ദുബൈ: യു.എ.ഇയിലെ സമുദായ സംഘടനകളുടെ പൊതു വേദിയായ എയിം ഇഫ്താർ സംഗമം സംഘടിപ്പിച്ചു. ഹാഫിസ് സൽമാൻ ഫാരിസിയുടെ (ഷാർജ) ഖുർആൻ പാരായണത്തോടെ ആരംഭിച്ച യോഗത്തിൽ എയിം ചെയർമാൻ ഡോ. അബ്ദുൽ കരീം വെങ്കിടങ്ങ് അധ്യക്ഷത വഹിച്ചു. പേസ് എജുക്കേഷൻ ഗ്രൂപ് എം.ഡി സൽമാൻ ഇബ്രാഹിം ഉദ്ഘാടനം ചെയ്തു. നിച്ച് ഓഫ് ട്രൂത്ത് ഡയറക്ടർ എം.എം. അക്ബർ മുഖ്യപ്രഭാഷണം നിർവഹിച്ചു. എയിം കൂട്ടായ്മയിലെ അംഗ സംഘടനകളെ പ്രതിനിധാ അബ്ദുൽ ഹമീദ് മലപ്പുറം (ഐ.സി.സി), ജാഫർ സാദിഖ് (ഇന്ത്യൻ ഇസ്ലാഹി സെന്റർ), അശ്റഫ് തച്ചോടത് (ഐ.എം.സി.സി),
ഇബ്രാഹിം മുറിച്ചാണ്ടി (കെ.എം.സി.സി), യഹ്യ സഖാഫി ആലപ്പുഴ (മർകസ്), അബ്ദുസ്സമദ് മദനി (വിസ്ഡം), ഷൗക്കത്ത് ഹുദവി (സുന്നി സെന്റർ), അബ്ദുൽ അസീസ് (എം.എസ്.എസ്), ലൈജു കാരോത്തുകുഴി (എം.ഇ.എസ്), അഡ്വ. മുഹമ്മദ് അസ്ലം (പീസ് ലവേഴ്സ്) എന്നിവർ സംസാരിച്ചു. എയിം വൈസ് ചെയർമാനും ഇഫ്താർ കമ്മിറ്റി ചെയർമാനുമായ എം.സി. അബ്ദുൽ ജലീൽ പരിപാടികൾ വിശദീകരിച്ചു. എയിം ജനറൽ കൺവീനർ അബ്ദുൽ വാഹിദ് മയ്യേരി സ്വാഗതം പറഞ്ഞു. എയിം ട്രഷറർ അൻവർ നഹ നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.