‘ഫു​ജൈ​റ പ്ലാ​ൻ 2026’; ഉ​ന്ന​ത​ത​ല ക​മ്മി​റ്റി രൂ​പ​വ​ത്​​ക​രി​ച്ചു

ഫു​ജൈ​റ: ഫു​ജൈ​റ കി​രീ​ടാ​വ​കാ​ശി ശൈ​ഖ് മു​ഹ​മ്മ​ദ് ബി​ൻ ഹ​മ​ദ് ബി​ൻ മു​ഹ​മ്മ​ദ് അ​ൽ ശ​ർ​ഖി ഫു​ജൈ​റ പ്ലാ​ൻ 2026 ന​ട​പ്പി​ലാ​ക്കു​ന്ന​തി​നാ​യി ഉ​ന്ന​ത​ത​ല ക​മ്മി​റ്റി​ക്ക് അം​ഗീ​കാ​രം ന​ൽ​കി. എ​ല്ലാ മേ​ഖ​ല​ക​ളി​ലും ഫു​ജൈ​റ​യു​ടെ പു​രോ​ഗ​തി​ക്കും വി​ക​സ​ന​ത്തി​നും പി​ന്തു​ണ ന​ൽ​കു​ന്ന ഒ​രു സം​യോ​ജി​ത സം​വി​ധാ​നം വി​ക​സി​പ്പി​ക്കാ​ൻ ല​ക്ഷ്യ​മി​ട്ടു​ള്ള​താ​ണ് പ​ദ്ധ​തി. ശൈ​ഖ് മു​ഹ​മ്മ​ദ് ബി​ൻ ഹ​മ​ദി​ന്‍റെ നി​ർ​ദേ​ശ​ങ്ങ​ൾ​ക്ക​നു​സ​രി​ച്ച്​ സ​ർ​ക്കാ​റി​ന്‍റെ പ്ര​ക​ട​നം മെ​ച്ച​പ്പെ​ടു​ത്തു​ന്ന​തി​നും പൗ​ര​ന്മാ​രു​ടെ ജീ​വി​ത​നി​ല​വാ​രം വ​ർ​ധി​പ്പി​ക്കു​ന്ന​തി​നും പു​രോ​ഗ​തി കൈ​വ​രി​ക്കു​ന്ന​തി​നും ന​വീ​ക​ര​ണ​ത്തെ പ്രോ​ത്സാ​ഹി​പ്പി​ക്കു​ന്ന​തി​നും പ​ദ്ധ​തി ഊ​ന്ന​ൽ ന​ൽ​കും.

എ​മി​റേ​റ്റി​ലെ സു​പ്ര​ധാ​ന മേ​ഖ​ല​ക​ളാ​യ ടൂ​റി​സം, സ​മ്പ​ദ്‌​വ്യ​വ​സ്ഥ, സ​ർ​ക്കാ​ർ സം​വി​ധാ​ന​ങ്ങ​ള്‍, അ​ടി​സ്ഥാ​ന സൗ​ക​ര്യ​ങ്ങ​ൾ എ​ന്നി​വ പ്രോ​ത്സാ​ഹി​പ്പി​ക്കു​ന്ന​തി​നും മ​നു​ഷ്യ​വി​ഭ​വ ശേ​ഷി​യു​ടെ കാ​ര്യ​ക്ഷ​മ​ത മെ​ച്ച​പ്പെ​ടു​ത്താ​നും പ്ര​ക​ട​നം വ​ർ​ധി​പ്പി​ക്കാ​നും പ​ദ്ധ​തി ല​ക്ഷ്യ​മി​ടു​ന്നു.ഫു​ജൈ​റ​യെ പ്ര​മു​ഖ അ​റ​ബ്, അ​ന്ത​ർ​ദേ​ശീ​യ ന​ഗ​ര​മെ​ന്ന നി​ല​യി​ൽ ഉ​യ​ര്‍ത്തു​ക​യും മി​ക​ച്ച ഫ​ല​ങ്ങ​ള്‍ കൈ​വ​രി​ക്കു​ന്ന​തി​നും​വേ​ണ്ടി പൊ​തു​മേ​ഖ​ല, സ്വ​കാ​ര്യ മേ​ഖ​ല, അ​ക്കാ​ദ​മി​ക് സ്ഥാ​പ​ന​ങ്ങ​ൾ, സി​വി​ൽ സ​മൂ​ഹം എ​ന്നി​വി​ട​ങ്ങ​ളി​ല്‍ നി​ന്നു​ള്ള നി​ര്‍ദേ​ശ​ങ്ങ​ള്‍ പ​ദ്ധ​തി​യു​ടെ ക​ര​ട് ത​യാ​റാ​ക്ക​ലി​ൽ ഉ​ൾ​പ്പെ​ടു​ന്നു. അ​ടു​ത്ത പ​ത്തു​വ​ര്‍ഷ​ങ്ങ​ളി​ല്‍ യു.​എ.​ഇ​യു​ടെ സാ​മ്പ​ത്തി​ക, സാ​മൂ​ഹി​ക, നി​ക്ഷേ​പ മേ​ഖ​ല​ക​ളി​ലെ വി​ക​സ​നം ല​ക്ഷ്യ​മാ​ക്കി ‘വി ​ദി യു.​എ.​ഇ 2031’ എ​ന്ന പ​ദ്ധ​തി​യു​ടെ ഭാ​ഗ​മാ​യാ​ണി​ത്​ ന​ട​പ്പി​ലാ​ക്കു​ന്ന​ത്.