കുവൈത്ത് സിറ്റി: ഫർവാനിയ ഗവർണറേറ്റിൽ കഴിഞ്ഞ വർഷം ഉപേക്ഷിക്കപ്പെട്ട നിലയിൽ കണ്ടെത്തിയ 4,540 കാറുകൾ നീക്കം ചെയ്തു. അതേസമയം, ഇതിൽ പിന്നീട് ആവശ്യമായ നടപടിക്രമങ്ങൾ പൂർത്തിയാക്കി 2,444 കാറുകൾ ഉടമകൾ തിരികെ വാങ്ങി.
മുനിസിപ്പാലിറ്റിയിലെ പൊതു ശുചിത്വ വിഭാഗം നടത്തിയ ഫീൽഡ് പരിശോധനകളിൽ റോഡരികിൽ അലക്ഷ്യമായി നിർത്തിയിട്ട വാഹനങ്ങളിൽ ആദ്യം മുന്നറിയിപ്പ് സ്റ്റിക്കർ പതിക്കുകയും നിശ്ചിത മണിക്കൂറുകൾ കഴിഞ്ഞും ഉടമ എത്തിയില്ലെങ്കിൽ കണ്ടുകെട്ടി മുനിസിപ്പാലിറ്റിയുടെ ഗാരേജിലേക്ക് മാറ്റുകയുമാണ് ചെയ്യുന്നത്.
മുനിസിപ്പാലിറ്റിയുടെ എല്ലാ ശാഖകളിലെയും പൊതു ശുചിത്വ, റോഡ് പ്രവൃത്തി വകുപ്പുകളിലെ സൂപ്പർവൈസറി ടീമുകളുടെ ഫീൽഡ് പരിശോധന കാമ്പയിൻ തുടരുമെന്ന് അധികൃതർ കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.