അബൂദബി: അബൂദബി സായിദ് സ്പോർട്സ് സിറ്റി സ്റ്റേഡിയത്തിൽ ഹദിയ അതിഞ്ഞാലും ദയ അജാനൂർ കടപ്പുറവും സംഘടിപ്പിച്ച ‘എമിറേറ്റ്സ് കപ്പ് ’18 സോക്കർ ലീഗ് ചാമ്പ്യൻസ് ട്രോഫി ടൂർണമെൻറിൽ ഇമ എടപ്പാൾ ജേതാക്കളായി. ഫൈനലിൽ ദുബൈ സിബി ഗ്രൂപ്പിനെ പരാജയപ്പെടുത്തിയാണ് ഇമ എടപ്പാൾ കിരീടം നേടിയത്. ഇതോടനുബന്ധിച്ച് നടന്ന ചടങ്ങിൽ സ്വാഗതസംഘം കൺവീനർ പി.എം. ഫാറൂഖ് സ്വാഗതം പറഞ്ഞു. ചെയർമാൻ എം.എം. നാസർ അധ്യക്ഷത വഹിച്ചു. ഹദിയ ചെയർമാൻ എം.ബി.എം. അഷ്റഫ് ഉദ്ഘാടനം ചെയ്തു. പൊലീസ് മേധാവി കേണൽ മുഹമ്മദ് യൂസുഫ് ആൽ ഖൂറി മുഖ്യാതിഥിയായിരുന്നു. യു.വി. അബ്ദുല്ല ഫാറൂഖി, പപ്പൻ മാസ്റ്റർ, സി.കെ. റഹ്മത്തുല്ല, എം.പി. ജാഫർ, പി.എം. ഹസൈനാർ, ബി. മുഹമ്മദ്, അബൂബക്കർ കുറ്റിക്കോൽ, കെ.ഇ.എ. ബക്കർ, ഖാലിദ് അറബിക്കാടത്ത്, പി.എം. സിദ്ദിഖ് എന്നിവർ സംസാരിച്ചു. എം.ബി.എം. അഷ്റഫും എം.എം. നാസറും ട്രോഫി വിതരണം ചെയ്തു. കാഞ്ഞങ്ങാട് ഫുട്ബാൾ സ്റ്റേഡിയം നിർമാണത്തിന് മുന്നോട്ട് വരുന്നവർക്ക് അഞ്ച് ലക്ഷം രൂപ ആദ്യ ഗഡുവായി നൽകുമെന്ന് സംഘാടക സമിതി എമിറേറ്റ്സ് കപ്പ് വേദിയിൽ പ്രഖ്യാപിച്ചു. കാസർകോട് ജില്ലയിലെ ആറ് പഴയകാല ഫുട്ബാൾ താരങ്ങളായ അഷ്റഫ് ടൈറ്റാനിയം, റഫീഖ് പടന്ന, ഗംഗാധരൻ കോസ്മോസ്, പ്രഭാകരൻ കാഞ്ഞങ്ങാട്, പി.എം. ശുക്കൂർ, സി.എച്ച്. അലികുഞ്ഞി എന്നിവരെ ആദരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.