ദുബൈ: പഠനവൈകല്ല്യം മൂലം കുട്ടി പഠിക്കുന്നില്ലേ? അതോ ബഹുമുഖ പ്രതിഭയായ കുട്ടിയുടെ കഴിവിനനുസരിച്ച് ഭാവി തീരുമാനിക്കാനാവുന്നില്ലേ? രണ്ടറ്റത്തുമായി നിൽക്കുന്ന ഇത്തരം ആയിരക്കണക്കിന് ചോദ്യങ്ങൾക്ക് ഉത്തരമുണ്ട് എജുകഫേയിൽ. കുട്ടികളുടെയും രക്ഷിതാക്കളുടെയും ഏത് തരത്തിലുള്ള സംശയങ്ങൾക്കും പരിഹാരം കാണാൻ ശേഷിയുള്ളവർ എജുകഫേയിൽ ഉണ്ടാവും. പ്രത്യേകയിടങ്ങളിൽ സംഘടിപ്പിക്കുന്ന സൈക്കോളജിക്കല് കൗണ്സലിങ്ങിനും കരിയര് കൗണ്സലിങ്ങിനും പരിശീലനം നേടിയ വിദഗ്ധർ നേതൃത്വം നൽകും. പഠന വൈകല്യങ്ങളും പഠനവുമായി ബന്ധപ്പെട്ട മാനസിക പിരിമുറുക്കങ്ങളും ഇല്ലാതാക്കാൻ ഇത്തരം കൗൺസലിങ്ങ് ഉപകരിക്കും. കൗമാരക്കാര് നേരിടുന്ന സ്വഭാവ വൈകല്യങ്ങൾക്കുള്ള പരിഹാരവും മനസിലാക്കാം. വിദ്യാര്ഥികള്ക്കും രക്ഷിതാക്കള്ക്കും ഇവരുടെ സേവനം തേടാം. ഭാവിയില് ഏറെ ജോലി സാധ്യതയും അവസരവും നല്കുന്ന കരിയറുകളായിരിക്കും കരിയര് കൗണ്സലർമാർ ചൂണ്ടിക്കാണിക്കുക. അതോടൊപ്പം സാധ്യത കുറയുന്ന കരിയറുകളെക്കുറിച്ചുള്ള മുന്നറിയിപ്പും നല്കും. തൊഴില്-പഠന മേഖലകളുടെ അവസരവും സാധ്യതകളും നിരന്തരം മാറിക്കൊണ്ടിരിക്കുന്ന സാഹചര്യത്തില് വ്യക്തമായ മാര്ഗനിര്ദേശം പ്രധാനമാണ്. പുതിയ കാലത്ത് ഏറ്റവും ജോലി സാധ്യതയുള്ള കോഴ്സുകള് തെരഞ്ഞെടുക്കാൻ എജുകഫേയിലെ ഇത്തരം സെഷനുകൾ സഹായിക്കും.
മുമ്പ് മൊബൈല് ഫോണ് ഡവലപ്പര്മാരെയാണാവശ്യം വന്നിരുന്നതെങ്കിൽ പിന്നീട് മൊബൈല് ആപ്പ് ഡവലപ്പര്മാരുടെ പ്രതാപകാലമായി. മൊബൈല് ഫോണ്, കമ്പ്യൂട്ടര് എന്നിവയുെട ഉപയോഗം വര്ധിച്ചതോടെ ഡിജിറ്റല് സുരക്ഷ സംബന്ധമായ കോഴ്സുകൾക്ക് പ്രിയമേറി. അവിടെ നിന്നും മുന്നേറി ഭാവിയിൽ എന്തായിരിക്കും ആവശ്യമെന്നതിെൻറ ഉത്തരവും എജുകഫേയിൽ തേടാം. സ്കൂള് വിദ്യാര്ഥികള് പഠന കാലത്ത് തന്നെ അഭിരുചികള് തിരിച്ചറിഞ്ഞ് കരിയര് ആസൂത്രണം ചെയ്യണം. ബിരുദമെടുത്ത് പുറത്തിറങ്ങുമ്പോള് ജോലി സാധ്യത ഏത് മേഖലക്കായിരിക്കുമെന്ന് മുന്കൂട്ടി കാണാന് കഴിയണം. ജോലി സാധ്യത കുറഞ്ഞുവരുന്ന മേഖലകള് ഒഴിവാക്കണം. ഇത് ഏറ്റവും ലളിതമായി മനസിലാക്കാനുള്ള സംവിധാനമാണ് ഗൾഫ് മാധ്യമം എജുകഫെയുടെ മൂന്നാം എഡിഷനിൽ ഒരുക്കിയിരിക്കുന്നത്. പ്രശസ്ത കൗണ്സലര്മാര് നയിക്കുന്ന ഗ്രൂപ്പ് കരിയര് ഗൈഡന്സ് സെഷനുകള് നൂതന കോഴ്സുകളെ സംബന്ധിച്ച് വിദ്യാര്ഥികള്ക്ക് ഉള്ക്കാഴ്ച നൽകും. ഇൗ മാസം 12,13 തീയതികളില് ദുബൈ മുഹൈസ്ന ഇന്ത്യൻ അക്കാദമി സി.ബി.എസ്.ഇ സ്കൂളിൽ നടക്കുന്ന മേളയില് യു.എ.ഇയിലെയും ഇന്ത്യയിലെയും വിദേശ സര്വകലാശാലകള് ഉള്പ്പെടെ ഡസൻ കണക്കിന് പ്രമുഖ വിദ്യാഭ്യാസ സ്ഥാപനങ്ങൾ അവരുടെ കോഴ്സുകളും പ്രവേശ നടപടികളും വിശദീകരിക്കുകയും ചെയ്യും. www.madhyamam.com, www.click4m.com എന്നീ വെബ്സൈറ്റുകളിലെ എജുകഫേ ലിങ്കുകൾ വഴി സൗജന്യമായി രജിസ്റ്റർ ചെയ്ത് മേളയിൽ പെങ്കടുക്കാം. കുടുംബസമേതം എത്തി ഉല്ലാസകരമായ അന്തരീക്ഷത്തിൽ ഭാവിയെക്കുറിച്ച് ധാരണയിലെത്താനുള്ള അവസരമാണ് ഗൾഫിലെ ഏറ്റവും വലിയ കരിയർ മേളയായ എജുകഫേ. ഇന്ത്യയിലെ െഎ.എ.എസുകാരിൽ പ്രമുഖനായ മുഹമ്മദ് ഹനീഷ്, പ്രമുഖ വിദ്യാഭ്യാസ വിദഗ്ധയും എഴുത്തുകാരിയുമായ ആരതി സി. രാജരത്നം, ലോകം അറിയുന്ന ഒക്യുപേഷണൽ തെറാപ്പിസ്റ്റായ ഡോ. മഹെക് ഉത്തംചന്താനി, മാജിക് ലിയോ തുടങ്ങി നിരവധി പ്രമുഖർ കുട്ടികളും രക്ഷിതാക്കളുമായി സംവദിക്കാനെത്തുന്നുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.