ഇ.സി.എച്ച് ദുബൈയിലെ ആദ്യ സമ്പൂർണ ഡിജിറ്റൽ ബിസിനസ് സെറ്റപ് കമ്പനിയായി മാറുന്നതിെൻറ ഔദ്യോഗിക പ്രഖ്യാപനം ദുബൈയിലെ താമസ കുടിയേറ്റ വകുപ്പ് ഉദ്യോഗസ്ഥൻ അദ്നാൻ മൂസ മുഹമ്മദ് ഉബൈദ് അൽ ബലൂഷി ഇ.സി.എച്ചിെൻറ പുതിയ ആസ്ഥാനമായ അൽ തവാറിലെ കോസ്റ്റൽ ബിൽഡിങ്ങിൽ നടന്ന ചടങ്ങിൽ നിർവഹിക്കുന്നു
ദുബൈ: ലോകത്തിലെ ആദ്യ കടലാസുരഹിത സർക്കാറെന്ന നേട്ടം കൈവരിച്ച ദുബൈയുടെ സമ്പൂർണ കടലാസുരഹിത യത്നത്തിെൻറ ആഘോഷത്തിൽ പങ്കാളികളായി ദുബൈയിലെ സർക്കാർ സേവനദാതാക്കളായ ഇ.സി.എച്ചും. ഇ.സി.എച്ച് പൂർണമായും കടലാസുരഹിത ഇടപാടിലേക്ക് മാറുന്നതിെൻറ ആദ്യപടിയായി മുഴുവൻ ഉപഭോക്താക്കൾക്കും അവരുടെ എല്ലാ രേഖകളും ഡിജിറ്റൽ പി.ഡി.എഫ് രൂപത്തിൽ യു.എസ്.ബിയിൽ കൈമാറുന്ന ചടങ്ങും ദുബൈയിലെ ആദ്യ സമ്പൂർണ ഡിജിറ്റൽ ബിസിനസ് സെറ്റപ് കമ്പനിയെന്ന ഔദ്യോഗിക പ്രഖ്യാപനവും ദുബൈയിലെ താമസ കുടിയേറ്റ വകുപ്പ് ഉദ്യോഗസ്ഥൻ അദ്നാൻ മൂസ മുഹമ്മദ് ഉബൈദ് അൽ ബലൂഷി ഇ.സി.എച്ചിെൻറ പുതിയ ആസ്ഥാനമായ അൽ തവാറിലെ കോസ്റ്റൽ ബിൽഡിങ്ങിൽ നടന്ന ചടങ്ങിൽ നിർവഹിച്ചു. ദുബൈയിലെ വിവിധ സർക്കാർ വകുപ്പുകളിലെ മുതിർന്ന ഉദ്യോഗസ്ഥരും ചടങ്ങിൽ സംബന്ധിച്ചു. പി.എം. അബ്ദുറഹ്മാൻ, ജെസ്വിൻ ഗ്ലാഡിസ്, റിഹാബ് ഖാൻ, നിഹ ഷെയ്ഖ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.