ക്യാപ്റ്റൻ മുഹമ്മദ് അഹമ്മദ് അൽ സുവൈദി അന്താരാഷ്ട്ര വിരലടയാള സർട്ടിഫിക്കറ്റ് സ്വീകരിക്കുന്നു
ദുബൈ: രണ്ട് ദുബൈ പൊലീസ് ഉദ്യോഗസ്ഥർക്ക് അന്താരാഷ്ട്ര വിരലടയാള വിദഗ്ധരായി അംഗീകാരം. യു.എസിലെ ഇൻറർനാഷനൽ അസോസിയേഷൻ ഓഫ് ഐഡൻറിഫിക്കേഷൻ (ഐ.എ.ഐ) എന്ന സംഘടനയാണ് ക്യാപ്റ്റൻ മുഹമ്മദ് അഹമ്മദ് അൽ സുവൈദി, ഫസ്റ്റ് ലഫ്. അബ്ദുറഹ്മാൻ അൽ മുഹൈരി എന്നിവർക്ക് അന്താരാഷ്ട്ര നിലവാരമുള്ള പരിശോധകരായി അംഗീകാരം നൽകിയത്.
ഫോറൻസിക് വിരലടയാള വിശകലനത്തിൽ പ്രശസ്തമായ സർട്ടിഫിക്കേഷൻ അറബ് മേഖലയിൽ ആദ്യമായാണ് ലഭിക്കുന്നത്. ലോകമെമ്പാടുമുള്ള കേസുകൾ പരിഹരിക്കുന്നതിൽ പങ്കെടുക്കാനും ഫോറൻസിക് വിരലടയാള വിശകലനത്തിൽ അന്താരാഷ്ട്ര കോടതികൾക്ക് മുമ്പാകെ സാക്ഷിപറയാനും ഈ അംഗീകാരം ഒാഫിസർമാരെ പ്രാപ്തരാക്കും.
ലോകത്തെ ഏറ്റവും വലിയ ഫോറൻസിക് ഓർഗനൈസേഷനാണ് ഐ.എ.ഐ. ആറായിരത്തിലേറെ അംഗങ്ങളാണ് നിലവിൽ കൂട്ടായ്മയുടെ ഭാഗമായുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.