ദുബൈ: റൂട്ട് 2020 പദ്ധതി നിർമാണ പ്രവർത്തനങ്ങളുടെ സൗകര്യാർഥം രണ്ടു സ്റ്റേഷനുകൾക്കി ടയിൽ താൽകാലികമായി നിർത്തി വെച്ച സേവനം ദുബൈ മെട്രോ പുനസ്ഥാപിക്കുന്നു. ഏപ്രിൽ 19 മുതൽ ദുബൈ മെട്രോ റെഡ് ലൈനിലെ ഡി.എം.സി.സിയിൽ നിന്ന് ഇബ്നുബത്തൂത്ത സ്റ്റേഷനിലേക്ക് പോകുവാൻ സൗജന്യ ഷട്ടിൽ ബസ് സേവനം വേണ്ടി വരില്ല. 2018 ജനുവരി അഞ്ചു മുതൽ ഇൗ സ്റ്റേഷനുകൾക്കിടയിൽ മെട്രോ ഒാട്ടം നിർത്തിവെച്ചിരിക്കുകയായിരുന്നു. ഇബ്നു ബത്തൂത്ത സ്റ്റോപ്പിനു ശേഷമുള്ള സ്റ്റേഷനുകളിലേക്ക് പോകേണ്ട യാത്രക്കാർ ഡി.എം.സി.സിയിൽ ഇറങ്ങി താഴെ തയ്യാറാക്കി നിർത്തിയിരുന്ന ആർ.ടി.എയുടെ ബസിൽ കയറി ഇബ്നു ബത്തൂത്തയിൽ എത്തി മെട്രോ യാത്ര പുനരാരംഭിക്കാറായിരുന്നു. ഇവക്ക് ഇടയിലെ നഖീൽ ഹാർബർ ആൻറ് ടവർ സ്റ്റേഷനും പാർക്കിങ് കേന്ദ്രവും പണി പൂർത്തിയാകും വരെ അടഞ്ഞു തന്നെ കിടക്കും. പൊതുഗതാഗത സംവിധാനം കൂടുതൽ സുഗമം ആക്കുവാൻ ആവശ്യമായ എല്ലാ പരിശ്രമങ്ങളും ആർ.ടി.എ നടത്തിവരികയാണെന്ന് റെയിൽ വിഭാഗം ഡയറക്ടർ മുഹമ്മദ് യൂസുഫ് അൽ മുദാറിബ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.