റാസൽഖൈമ: മലയാള സിനിമ നിർമാതാവ് റാസൽഖൈമയിൽ കോവിഡ് ബാധിച്ചു മരിച്ചു. ആലുവ ശങ്കരൻകുഴി വീട്ടിൽ ഹസൻ അലി (ഹസൻ മിയാ-50)യാണ് മരിച്ചത്. ബിസിനസ് ആവശ്യത്തിനായി സന്ദർശക വിസയിൽ യു.എ.ഇയിൽ എത്തിയതായിരുന്നു.
റാസൽഖൈമ സൈഫ് ആശുപത്രിയിൽ ചികിത്സയിലിരിക്കെയാണ് മരണം. മൃതദേഹം ദുബൈയിൽ തന്നെ സംസ്കരിക്കുമെന്ന് ബന്ധുക്കൾ അറിയിച്ചു.
ശങ്കരൻകുഴി പരേതനായ അലിയുടെയും ജമീലയുടെയും മകനാണ്. സുലൈഖയാണ് ഭാര്യ. ഡോ. ആമിന, ഡോ. ഹലീമ, മുഹമ്മദ് അലി എന്നിവർ മക്കളാണ്. മരുമക്കൾ: മുഹാസിഫ് (മസ്കത്), ഫർഹാൻ (ഖത്തർ).
ആലുവയിലെ പ്രമുഖ വസ്ത്ര വ്യാപാരികളായ എസ്.എ. ബഷീർ, എസ്.എ. ശുക്കൂർ, എസ്.എ. രാജൻ (റിപ്പോർട്ടർ, മംഗളം ആലുവ) എന്നിവർ സഹോദരങ്ങളാണ്.
'ഹലോ ദുബായ്ക്കാരൻ' എന്ന സിനിമ നിർമ്മിക്കുകയും ഈ ചിത്രത്തിൽ അഭിനയിക്കുകയും ചെയ്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.