ല​ഗേ​ജി​ൽ നി​യ​ന്ത്രി​ത മ​രു​ന്ന്​: യാ​ത്ര​ക്കാ​ര​ന്​ ത​ട​വും പി​ഴ​യും

ദു​ബൈ: യു.​എ.​ഇ​യി​ൽ നി​യ​ന്ത്ര​ണ​മു​ള്ള ഗു​ളി​ക ല​ഗേ​ജി​ൽ സൂ​ക്ഷി​ച്ച​തി​ന്​ വി​മാ​ന യാ​ത്ര​ക്കാ​ര​ന്​ ദു​ബൈ ക്രി​മി​ന​ൽ കോ​ട​തി ര​ണ്ടു വ​ർ​ഷം ത​ട​വും ഒ​രു ല​ക്ഷം ദി​ർ​ഹം പി​ഴ​യും ചു​മ​ത്തി. നാ​ൽ​പ​ത്തി​യ​ഞ്ചു​കാ​ര​നാ​യ ഏ​ഷ്യ​ക്കാ​ര​നാ​ണ്​ ശി​ക്ഷ ല​ഭി​ച്ച​ത്.

ദു​ബൈ അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലെ പ​രി​ശോ​ധ​ന​യി​ൽ ഇ​യാ​ളു​ടെ ല​ഗേ​ജി​ൽ നി​ന്ന്​ 480 മ​രു​ന്ന്​ ക്യാ​പ്സ്യൂ​ളു​ക​ൾ ക​സ്റ്റം​സ്​ വി​ഭാ​ഗം ക​ണ്ടെ​ത്തി​യി​രു​ന്നു. ല​ബോ​റ​ട്ട​റി​യി​ൽ ന​ട​ത്തി​യ പ​രി​ശോ​ധ​ന​യി​ൽ രാ​ജ്യ​ത്ത്​ നി​യ​ന്ത്ര​ണ​ത്തി​ലു​ള്ള മ​രു​ന്നു​ക​ളാ​ണ്​ ഇ​വ​യെ​ന്ന്​ ക​ണ്ടെ​ത്തി. ഡോ​ക്ട​റു​ടെ കു​റി​പ്പ​ടി​യി​ല്ലാ​തെ ഇ​ത്ത​രം മ​രു​ന്നു​ക​ൾ കൊ​ണ്ടു​വ​രു​ന്ന​തി​ന്​ നി​രോ​ധ​ന​മു​ണ്ട്. മ​രു​ന്ന്​ കൈ​വ​ശം വെ​ച്ച​തി​ന്​ കൃ​ത്യ​മാ​യ മെ​ഡി​ക്ക​ൽ രേ​ഖ​ക​ളും ഇ​യാ​ളു​ടെ കൈ​വ​ശ​മി​ല്ലെ​ന്ന്​ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു. യു.​എ.​ഇ​യി​ലെ ചി​ല​ർ​ക്ക്​ വി​ത​ര​ണം ചെ​യ്യാ​നാ​ണ്​ സ്വ​ന്തം രാ​ജ്യ​ത്തു​നി​ന്ന്​ മ​രു​ന്ന്​ കൊ​ണ്ടു​വ​ന്ന​തെ​ന്നാ​ണ്​ ചോ​ദ്യം ചെ​യ്യ​ലി​ൽ ഇ​യാ​ൾ വ്യ​ക്ത​മാ​ക്കി​യ​ത്.

ജ​യി​ൽ ശി​ക്ഷാ കാ​ലാ​വ​ധി​ക്ക്​ ശേ​ഷം ​പ്ര​തി​യെ നാ​ടു ക​ട​ത്താ​നും കോ​ട​തി ഉ​ത്ത​ര​വി​ട്ടു. ജ​യി​ൽ മോ​ചി​ത​നാ​യി ര​ണ്ടു​ വ​ർ​ഷ​ത്തി​നു​ ശേ​ഷ​വും യു.​എ.​ഇ സെ​ൻ​ട്ര​ൽ ബാ​ങ്കി​ന്‍റെ​യും ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ​യും മു​ൻ​കൂ​ർ അ​നു​മ​തി​യി​ല്ലാ​തെ ​പ്ര​തി നേ​രി​ട്ടോ അ​ല്ലാ​തെ​യോ അ​ക്കൗ​ണ്ടി​ലൂ​ടെ പ​ണം കൈ​മാ​റു​ന്ന​തി​ൽ​നി​ന്നും കോ​ട​തി വി​ല​ക്കേ​ർ​പ്പെ​ടു​ത്തു​ക​യും ചെ​യ്​​തു.