അബൂദബി: ഉൽപന്നങ്ങൾക്ക് അമിത വില ഇൗടാക്കുന്നതായി കണ്ടെത്തിയ 15 വ്യാപാര സ്ഥാപനങ്ങൾ അബൂദബി സാമ്പത്തിക വികസന വകുപ്പ് അടച്ചുപൂട്ടി.
മൂല്യവർധിത നികുതി നടപ്പാക്കലിെൻറ തുടർ നടപടികളുമായി ബന്ധപ്പെട്ട് അബൂദബി എമിറേറ്റിൽ വകുപ്പ് ജനുവരിയിൽ നടത്തിയ പരിശോധനയെ തുടർന്നാണ് നടപടി. ജനുവരിയിൽ എമിറേറ്റിൽ 3520 പരിശോധനകൾ നടത്തിയതായി കമേഴ്സ്യൽ പ്രൊട്ടക്ഷൻ അഡ്മിനിസ്ട്രേഷൻ ആക്ടിങ് ഡയറക്ടർ അഹ്മദ് താരിഷ് ആൽ ഖുബൈസി വ്യക്തമാക്കി.
അബൂദബിയിൽ 1350, അൽെഎനിൽ 1120, ദഫ്റയിൽ 1050 എന്നിങ്ങനെയായിരുന്നു പരിശോധന. ഫെഡറൽ നികുതി അതോറിറ്റിയിൽ വാറ്റ് രജിസ്ട്രേഷൻ നടത്താതെ വാറ്റ് ഇൗടാക്കിയവർ, അമിത വില ചുമത്തിയവർ തുടങ്ങിയവർക്കെതിരെ നടപടി സ്വീകരിച്ചു. വാറ്റുമായി ബന്ധപ്പെട്ട് അബൂദബിയിൽ 50, അൽെഎനിൽ 28, അൽ ദഫ്റയിൽ 20 എന്നിങ്ങനെ മൊത്തം 98 കാമ്പയിനുകൾ സംഘടിപ്പിച്ചതായും അഹ്മദ് താരിഷ് ആൽ ഖുബൈസി പറഞ്ഞു.ജനുവരിയിൽ മൊത്തം 505 പരാതികൾ വകുപ്പിന് ലഭിച്ചു. അബൂദബിയിൽനിന്ന് 250, അൽെഎനിൽനിന്ന് 210, ദഫ്റയിൽനിന്ന് 45 എന്നിങ്ങനെയാണ് പരാതി ലഭിച്ചതെന്നും അദ്ദേഹം കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.