ഇ.ആർ.സി ജീവനക്കാർക്കൊപ്പം ചെയർമാൻ ശൈഖ് ഹംദാൻ ബിൻ സായിദ് ആൽ നഹ്യാൻ
ദുബൈ: സുസ്ഥിര വർഷത്തിൽ എമിറേറ്റ് റെഡ് ക്രസന്റ് (ഇ.ആർ.സി) നടത്തുന്ന സന്നദ്ധപ്രവർത്തനങ്ങളിൽ സന്തുഷ്ടി പ്രകടിപ്പിച്ച് ശൈഖ് ഹംദാൻ ബിൻ സായിദ് ആൽ നഹ്യാൻ. അബൂദബിയിൽ ഇ.ആർ.സിയുടെ ആസ്ഥാനം സന്ദർശിച്ചശേഷം സംസാരിക്കുകയായിരുന്നു അദ്ദേഹം. ഇ.ആർ.സിയുടെ ചെയർമാൻകൂടിയാണ് അബൂദബിയിലെ ദഫ്റ മേഖലയിലെ ഭരണപ്രതിനിധിയായ ശൈഖ് ഹംദാൻ ബിൻ സായിദ് ആൽ നഹ്യാൻ.
ലോകമെമ്പാടുമുള്ള ദുരന്തങ്ങളിൽനിന്നും പ്രതിസന്ധികളിൽനിന്നുമുള്ള പ്രത്യാഘാതങ്ങളെ കുറച്ചുകൊണ്ടുവരാനും മനുഷ്യാവകാശ വികസന സംരംഭങ്ങളെ പിന്തുണക്കുന്നതിലും രാജ്യം നടത്തുന്ന പ്രവർത്തനങ്ങളിൽ മികച്ച പങ്കാണ് റെഡ് ക്രസന്റിനുള്ളതെന്നും ശൈഖ് ഹംദാൻ പറഞ്ഞു. അദ്ദേഹത്തിന്റെ അധ്യക്ഷതയിൽ ചേർന്ന ഇ.ആർ.സിയുടെ ബോർഡ് മീറ്റിങ്ങിൽ സംഘടനയുടെ മുന്നോട്ടുള്ള പ്രവർത്തനങ്ങളെക്കുറിച്ചുള്ള ചർച്ചകൾ നടന്നു. ഇ.ആർ.സിയുടെ സാരഥികളുമായി അദ്ദേഹം കൂടിക്കാഴ്ചയും നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.