അബൂദബി: ലണ്ടനിൽ മുഖംമൂടിധാരിയുടെ ആക്രമണത്തിൽ യു.എ.ഇ വിദ്യാർഥിക്ക് പരിക്ക്. വിദ്യാർഥിയുടെ കാറിൽ മോശം വാക്കുകൾ എഴുതിയ അക്രമി തുടർന്ന് ആക്രമണം നടത്തി. കാറിൽനിന്ന് പിടിച്ചുവലിച്ച് തലക്ക് തുടർച്ചയായി ഇടിക്കുകയായിരുന്നു. വിദ്യാർഥിയുടെ തലക്ക് പരിക്കേറ്റു. സംഭവത്തിെൻറ വീഡിയോ സാമൂഹിക മാധ്യമങ്ങളിലൂടെ വ്യാപകമായി പ്രചരിച്ചു.അബ്ദുല്ല ആൽ ഹുസ്നി എന്ന വിദ്യാർഥിക്ക് നേരെയാണ് ആക്രമണം നടന്നത്. ഒരു പ്രകോപനവുമില്ലാതെയായിരുന്നു ആക്രമണമെന്ന് അബ്ദുല്ല വ്യക്തമാക്കി. ഏത് രാജ്യക്കാരനാണ് പ്രതിയെന്ന് അറിയില്ല. എന്നാൽ, ഇറാഖുകാരനാണെന്ന് ചില വെബ്സൈറ്റുകളിൽ കണ്ടത് ശരിയാകാനിടയില്ല. സംസാരത്തിൽനിന്ന് വടക്കേ ആഫ്രിക്കക്കാരനാണെന്നാണ് സംശയിക്കുന്നതെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.