ദുബൈ: ഹൃദയാരോഗ്യത്തെക്കുറിച്ച് അവബോധം വളർത്താൻ ലക്ഷ്യമിട്ട് ആസ്റ്റര് ഡി.എം ഹെല്ത്ത് കെയർ സംഘടിപ്പിച്ച ഒരു മാസം നീണ്ടുനിന്ന ‘ഹാർട്ട് 2 ഹാർട്ട് കെയർ 2023’ കാമ്പയിൻ ഞായറാഴ്ച സമാപിക്കും. 10,000 ചുവടുകള് നടക്കുക, 10 കിലോമീറ്റര് (90 മിനിറ്റില്) സൈക്കിള് ചവിട്ടുക, 400 കലോറി (90 മിനിറ്റില്) കുറക്കുക എന്നിവ ഉള്പ്പെടെയുള്ള ഫിറ്റ്നസ് പ്രോഗ്രാമുകളാണ് കാമ്പയിനിന്റെ ഭാഗമായി സംഘടിപ്പിച്ചിരുന്നത്.
ഒരു ദിവസം 10,000 ചുവടുകള് വെക്കുന്നതിലൂടെ സാമ്പത്തികമായി പിന്നാക്കം നില്ക്കുന്ന ഒരു കുട്ടിയുടെ ഹൃദയശസ്ത്രക്രിയ സൗജന്യമായി ലഭ്യമാക്കാന് സഹായകമാകുന്ന ഒരു മികച്ച അവസരമാണ് കാമ്പയിൻ വഴി ലഭ്യമാകുന്നത്. ഈ വർഷം ഹൃദയശസ്ത്രക്രിയ ആവശ്യമുള്ള 50 നിരാലംബരായ കുട്ടികളുടെ ജീവന് രക്ഷിക്കാനുള്ള ദൗത്യമാണ് കാമ്പയിൻ ലക്ഷ്യമിടുന്നത്. ഈ ഉദ്യമത്തിലേക്ക് സംഭാവന ചെയ്യാനും പങ്കെടുക്കാനും ആഗ്രഹിക്കുന്നവര് heart2heart.astervolunteers.comല് രജിസ്റ്റര് ചെയ്യണം.
ഗാഡ്ജെറ്റുകള്/സ്മാര്ട്ട്ഫോണുകള് എന്നിവയില് ചുവടുകള് രേഖപ്പെടുത്തിയ ശേഷം, timetrack.astervolunteers.com-ല് ലോഗിന് ചെയ്ത്, സ്ക്രീന്ഷോട്ടുകളുടെ രൂപത്തില് സ്റ്റെപ് കൗണ്ട് സൈറ്റില് അപ്ലോഡ് ചെയ്യണം. ഒക്ടോബര് 15 മുതല് 25 വരെയുള്ള ആദ്യത്തെ 2,000 രജിസ്ട്രേഷനുകളാണ് സമാപന ദിവസം നടക്കുന്ന റാഫിള് നറുക്കെടുപ്പിലേക്ക് തിരഞ്ഞെടുക്കുക. തുടർന്ന് 29ന് സബീല് പാര്ക്കില് നടക്കുന്ന സമാപന പരിപാടിയില് ഇരുപത് ഭാഗ്യശാലികളെ ഇതിൽനിന്ന് തിരഞ്ഞെടുക്കും. സമാപന ദിവസം ഏറ്റവും ഉയര്ന്ന യോഗ്യതയുള്ള ഘട്ടങ്ങള് പൂര്ത്തിയാക്കുന്ന പുരുഷ-സ്ത്രീ വിഭാഗങ്ങളിലെ പങ്കാളികള്ക്ക് ഒന്നും രണ്ടും മൂന്നും സമ്മാനങ്ങളും ഉണ്ടായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.