ദുബൈ: കോവിഡ് പ്രതിരോധത്തിന് ഉപയോഗിക്കുന്ന യു.എ.ഇയുടെ ഔദ്യോഗിക ആപ്ലിക്കേഷനായ 'അൽ ഹുസ്ൻ'ആപ്പിന് അന്താരാഷ്ട്ര പുരസ്കാരം. അമേരിക്കയിലെ ഗ്ലോബൽ എക്സലൻസ് അവാർഡ് കമ്മിറ്റിയാണ് 'ആപ് ഓഫ് ദ ഇയർ-2021'പുരസ്കാരം അൽ ഹുസ്ന് സമ്മാനിച്ചത്. കോവിഡ് പ്രതികരണമായി രൂപപ്പെട്ട ആപ്ലിക്കേഷനുകളുടെ കാറ്റഗറിയിലാണ് അവാർഡ് നേട്ടം. കോവിഡ് പരിശോധന വിവരങ്ങൾ, വാക്സിനേഷൻ സർട്ടിഫിക്കറ്റ്, ഇളവുകൾ എന്നിവക്ക് ഉപയോഗിക്കുന്ന ആപ് അറബിക്, ഇംഗ്ലീഷ്, ഹിന്ദി ഭാഷകളിൽ ലഭ്യമാണ്. സ്മാർട്ട്ഫോൺ കാമറയോ ആപ്പിന്റെ ബിൽറ്റ്-ഇൻ സ്കാനറോ ഉപയോഗിച്ച് ആപ് ക്യൂ.ആർ കോഡ് വായിക്കാനാകും. വാക്സിനേഷൻ സ്റ്റാറ്റസും പരിശോധന ഫലങ്ങളും തിരിച്ചറിയാൻ ക്യൂ.ആർ കോഡ് ഉപയോഗിച്ചാൽ സാധ്യമാകും. എക്സ്പോ അടക്കമുള്ള പരിപാടികൾക്ക് പ്രവേശനത്തിനുള്ള അനുമതിയും ആപ് വഴി ലഭിക്കുന്നു. ആപ്പിന്റെ ട്രാവൽ പാസ് യൂറോപ്യൻ യൂനിയൻ, ജി.സി.സി സർട്ടിഫിക്കറ്റുകൾക്ക് തുല്യമാണ്. ഇത്തരത്തിൽ വിപുലമായ സജ്ജീകരണങ്ങളുള്ളതാണ് ആപ്പിന്റെ നേട്ടത്തിന് കാരണമായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.