അജ്മാന്: അജ്മാനിലെ ബസുകളിൽ ഇനി വാർത്തകളും സിനിമകളും ഇൻറർനെറ്റ് സൗകര്യങ്ങളും. കുട്ടികൾക്കും മുതിർന്നവർക്കും വ്യത്യസ്ത ഗെയിമുകളുമടങ്ങുന്ന അത്യാധുനിക സംവിധാനങ്ങളോട് കൂടിയ ബസുകൾ അജ്മാൻ ട്രാൻസ്പോർട്ട് കോർപ്പറേഷനാണ് നിരത്തിലിറക്കുന്നത്.
പുതിയ സംവിധാനങ്ങളോട് കൂടിയ ബസ് ആഗസ്റ്റ് ഒന്നു മുതല് സര്വീസ് ആരംഭിക്കും. ഓരോ യാത്രക്കാർക്കും വിനോദം എന്ന ലക്ഷ്യത്തോട് കൂടിയാണ് പുതിയ ബസില് സംവിധാനങ്ങള് ഒരുക്കിയിരിക്കുന്നത്.
അജ്മാനില് നിന്ന് അബൂദബി, ദുബൈ, റാസൽ ഖൈമ, ഉമ്മുല് ഖുവൈന് തുടങ്ങിയ സ്ഥലങ്ങളിലേക്കും പ്രാദേശിക നഗരങ്ങളിലേക്കുമായിരിക്കും പുതിയ ബസ് സര്വീസ് നടത്തുക. അജ്മാന് കിരീടാവകാശി ശൈഖ് അമ്മാര് ബിൻ ഹുമൈദ് അൽ നുഐമി പുതിയ പാസഞ്ചർ ബസ്സുകളുടെ നിലവാരം നേരില് കണ്ടു വിലയിരുത്തി. രാജ്യാന്തര നിലവാരം പുലർത്തുന്ന മികച്ച ഗതാഗത സൗകര്യങ്ങൾ തിരഞ്ഞെടുക്കുന്നതിന് കോർപ്പറേഷൻ ഉദ്യോഗസ്ഥരുടെ പരിശ്രമങ്ങൾ ശൈഖ് അമ്മാര് പ്രശംസിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.