അബൂദബി: ബനിയാസിൽ എട്ട് പേരുടെ ജീവനെടുത്ത വില്ല തീപിടിത്തത്തിന് വഴിയൊരുക്കിയത് വൈദ്യുതി ഷോർട് സർക്യൂട്ട് ആണെന്ന് അബൂദബി പൊലീസ് വ്യക്തമാക്കി. ബനിയാസ് ഇമാം നവവി പള്ളിക്ക് സമീപമുള്ള ഒരു കുടുംബത്തിലെ മൂന്ന് സ്ത്രീകളും അഞ്ച് കുഞ്ഞുങ്ങളുമാണ് ചൊവ്വാഴ്ചയുണ്ടായ വിപത്തിൽ മരണപ്പെട്ടത്. വീടിെൻറ മെയിൻ ഹാളിലെ മൂലയിലുണ്ടായിരുന്ന വൈദ്യുതി എക്സ്റ്റൻഷനിൽ നിന്ന് തീ പൊരി ചിതറി അതു മറ്റു മുറികളിലേക്കും വ്യാപിക്കുകയായിരുന്നു. വീട്ടിലെ പുരുഷൻമാർ നമസ്കാരത്തിനായി പള്ളിയിൽപോയ സമയമാണ് ദുരന്തം സംഭവിച്ചത്. ഉറങ്ങിക്കിടന്ന 12 പേരെ രക്ഷിക്കാനായെങ്കിലും ബാക്കി എട്ടുപേരും പുകമൂടി ശ്വാസം മുട്ടി മരണപ്പെടുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.