ദുബൈ: ദുബൈ, അബൂദബി എന്നിവിടങ്ങളിലെയും മിഡിലീസ്റ്റിലെ മറ്റ് നഗരങ്ങളിലെയും പൊതുഗതാഗത യാത്രികരുടെ എണ്ണം വര്ധിപ്പിക്കുന്നത് സംബന്ധിച്ച് പഠനം നടത്തുന്നു. ദുബൈ ആര്.ടി.എക്ക് കീഴിലെ മീന സെന്റര് ഫോര് ട്രാന്സ്പോര്ട്ട് എക്സലന്സാണ് പഠനത്തിന് നേതൃത്വം നല്കുക. ഇതിന്െറ ഭാഗമായി ശില്പശാലകളും സെമിനാറുകളും സംഘടിപ്പിക്കും.
യു.എ.ഇയിലെ നഗരങ്ങള്ക്ക് പുറമെ കൈറോ, അമ്മാന് എന്നിവിടങ്ങളിലെയും പൊതുഗതാഗത സംവിധാനം ശക്തമാക്കുന്നത് സംബന്ധിച്ച് പഠനങ്ങള് നടക്കും. പൊതുഗതാഗത സംവിധാനങ്ങളുടെ ആസൂത്രണം, രൂപകല്പന, റെയില് ശൃംഖല നിര്മാണം, ടാക്സി ഗതാഗത നവീകരണം എന്നീ വിഷയങ്ങളില് ശില്പശാലകള് നടത്തിവരുന്നുണ്ട്. ലോകബാങ്കുമായി ചേര്ന്നാണ് ശില്പശാലകള് നടത്തുന്നത്. 14 രാജ്യങ്ങളില് നിന്ന് 85ഓളം പേര് അടുത്തിടെ നടന്ന ശില്പശാലയില് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.