ശ​രീ​രം ത​ള​ർ​ന്ന ഉ​ത്ത​ർ​പ്ര​ദേ​ശ് സ്വ​ദേ​ശി​യെ കേ​ളി നാ​ട്ടി​ലെ​ത്തി​ച്ചു

റി​യാ​ദ്: പ​ക്ഷാ​ഘാ​ത​ത്തെ തു​ട​ർ​ന്ന് ആ​ശു​പ​ത്രി​യി​ൽ കി​ട​പ്പി​ലാ​യി​രു​ന്ന ഉ​ത്ത​ർ​പ്ര​ദേ​ശ് സ്വ​ദേ​ശി അ​ജാ​ജ് അ​ഹ​മ്മ​ദി​ന് നാ​ട​ണ​യാ​ൻ തു​ണ​യാ​യി കേ​ളി​യും ആ​ശു​പ​ത്രി അ​ധി​കൃ​ത​രും. 17 വ​ർ​ഷ​ത്തോ​ള​മാ​യി റി​യാ​ദി​ൽ ജോ​ലി​ചെ​യ്യു​ന്ന അ​ജാ​ജ് അ​ഹ​മ്മ​ദ് ക​ഴി​ഞ്ഞ നാ​ല് മാ​സ​മാ​യി കിങ് ഖാ​ലി​ദ് ആ​ശു​പ​ത്രി​യി​ൽ ചി​കി​ത്സ​യി​ലാ​യി​രു​ന്നു.

തീ​ർ​ത്തും അ​വ​ശ​നി​ല​യി​ൽ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച ഇ​ദ്ദേ​ഹ​ത്തെ ആ​ശു​പ​ത്രി അ​ധി​കൃ​ത​രു​ടെ​യും ജീ​വ​ന​ക്കാ​രു​ടെ​യും ആ​ത്മാ​ർ​ഥ​മാ​യ സ​ഹ​ക​ര​ണം ല​ഭി​ച്ച​തി​നെ തു​ട​ർ​ന്നാ​ണ് ജീ​വി​ത​ത്തി​ലേ​ക്ക് തി​രി​ച്ചു കൊ​ണ്ടു​വ​രാ​നാ​യ​ത്. അ​ജാ​ജി​നെ നാ​ട്ടി​ലെ​ത്തി​ക്കാ​ൻ സ​ഹാ​യി​ക്കാ​മോ എ​ന്ന ആ​ശു​പ​ത്രി അ​ധി​കൃ​ത​രു​ടെ അ​ഭ്യ​ർ​ഥ​ന സ്വീ​ക​രി​ച്ചാ​ണ് കേ​ളി ഇ​ദ്ദേ​ഹ​ത്തി​ന്റെ വി​ഷ​യ​ത്തി​ൽ ഇ​ട​പെ​ട്ട​തെ​ന്ന് ഭാ​ര​വാ​ഹി​ക​ൾ അ​റി​യി​ച്ചു.

ദീ​ർ​ഘ​കാ​ലം ഡ്രൈ​വ​റാ​യി ജോ​ലി​ചെ​യ്യു​ക​യും അ​ടു​ത്തി​ടെ സ്പോ​ൺ​സ​റു​ടെ ത​ന്നെ ഒ​രു സ്ഥാ​പ​ന​ത്തി​ലേ​ക്ക് ജോ​ലി മാ​റു​ക​യാ​യി​രു​ന്നു. ജോ​ലി​ക്കി​ടെ പ​ക്ഷാ​ഘാ​തം പി​ടി​പെ​ട്ട അ​ജാ​ജി​നെ സ്പോ​ൺ​സ​ർ ആ​ശു​പ​ത്രി​യി​ൽ പ്ര​വേ​ശി​പ്പ​ച്ചു​വെ​ങ്കി​ലും തു​ട​ർ​ന്ന് യാ​തൊ​രു​വി​ധ അ​ന്വേ​ഷ​ണ​വും ന​ട​ത്തി​യി​ല്ല. അ​ബോ​ധാ​വ​സ്ഥ​യി​ൽ പ്ര​വേ​ശി​പ്പി​ച്ച അ​ജാ​ജി​ന് ദി​വ​സ​ങ്ങ​ൾ​ക്ക് ശേ​ഷ​മാ​ണ് ബോ​ധം തി​രി​ച്ചു കി​ട്ടി​യ​ത്.

ആ​ശു​പ​ത്രി ജീ​വ​ന​ക്കാ​രു​ടെ കൃ​ത്യ​മാ​യ പ​രി​ച​ര​ണം അ​ജാ​ജി​ന്‍റെ രോ​ഗ​ത്തി​ന് അ​ൽ​പ്പം ആ​ശ്വാ​സം ല​ഭി​ച്ചു. സ്പോ​ൺ​സ​റു​ടെ ഭാ​ഗ​ത്തു​നി​ന്നും യാ​തൊ​രു​വി​ധ ഇ​ട​പെ​ട​ലും ഇ​ല്ലാ​ത്ത​തി​നാ​ൽ ഇ​ദ്ദേ​ഹ​ത്തെ തു​ട​ർ ചി​കി​ത്സ​ക്ക് നാ​ട്ടി​ലെ​ത്തി​ക്കു​ക​യാ​ണ് ഗു​ണ​ക​ര​മെ​ന്ന​തി​ന്‍റെ അ​ടി​സ്ഥാ​ന​ത്തി​ലാ​ണ് ആ​ശു​പ​ത്രി അ​ധി​കൃ​ത​ർ കേ​ളി​യു​ടെ സ​ഹാ​യം തേ​ടി​യ​ത്.

തു​ട​ർ​ന്ന് നാ​സ​ർ പൊ​ന്നാ​നി ആ​ശു​പ​ത്രി​യി​ൽ നി​ന്നും രേ​ഖ​ക​ൾ ശേ​ഖ​രി​ക്കു​ക​യും ഇ​ന്ത്യ​ൻ എം​ബ​സി മു​ഖേ​ന നാ​ട്ടി​ലെ ബ​ന്ധു​ക്ക​ളു​മാ​യി ബ​ന്ധ​പ്പെ​ടു​ക​യും ചെ​യ്തു. നാ​ട്ടി​ലേ​ക്ക് എ​ത്തി​ക്കാ​നു​ള്ള ബ​ന്ധു​ക്ക​ളു​ടെ നി​ർ​ദേ​ശാ​നു​സ​ര​ണം ന​ട​പ​ടി​ക്ര​മ​ങ്ങ​ൾ നീ​ക്കി. സ്പോ​ൺ​സ​റു​മാ​യി ബ​ന്ധ​പ്പെ​ട്ട​പ്പോ​ൾ ടി​ക്ക​റ്റും എ​ക്സി​റ്റ് അ​ടി​ച്ച പാ​സ്പോ​ർ​ട്ടും ന​ൽ​കി.

കൂ​ടെ യാ​ത്ര​ചെ​യ്യാ​ൻ സ​ഹാ​യ​ത്തി​നാ​യി സോ​ഷ്യ​ൽ മീ​ഡി​യ വ​ഴി അ​ഭ്യ​ർ​ഥ​ന ന​ൽ​കി. അ​ജാ​ജി​ന്‍റെ ത​ന്നെ നാ​ട്ടു​കാ​ര​നാ​യ ഒ​രാ​ൾ വ​ന്നെ​ങ്കി​ലും വി​മാ​ന​ത്താ​വ​ള​ത്തി​ലെ​ത്തി അ​ദ്ദേ​ഹം അ​വ​സാ​ന നി​മി​ഷം പി​ന്മാ​റി. തു​ട​ർ​ന്ന് വി​വ​ര​ങ്ങ​ൾ അ​ന്വേ​ഷി​ച്ച മു​ഹ​മ്മ​ദ് ഉ​മ​ർ എ​ന്ന ഡ​ൽ​ഹി സ്വ​ദേ​ശി മു​ന്നോ​ട്ട് വ​ന്ന് ഇ​ദ്ദേ​ഹ​ത്തെ ഏ​റ്റെ​ടു​ത്തു.

തു​ട​ർ​ന്ന് മ​ണി​ക്കൂ​റു​ക​ളോ​ളം യാ​ത്രാ​രേ​ഖ​ക​ൾ ശ​രി​യാ​ക്കാ​ൻ സ​മ​യ​മെ​ടു​ത്തു. അ​ത്ര​യും നേ​രം അ​ദ്ദേ​ഹ​വും അ​ജാ​ജി​ന് വേ​ണ്ടി സ​ഹ​ക​രി​ച്ചു. ആ​ശു​പ​ത്രി​യി​ൽ നി​ന്നും വി​മാ​ന​ത്താ​വ​ള​ത്തി​ൽ എ​ത്തി​ക്കു​ന്ന​തി​നു​ള്ള എ​ല്ലാ സൗ​ക​ര്യ​ങ്ങ​ളും ആ​ശു​പ​ത്രി അ​ധികൃ​ത​ർ ചെ​യ്ത് ന​ൽ​കി. ക​ഴി​ഞ്ഞ ദി​വ​സം സൗ​ദി എ​യ​ർ​ലൈ​ൻ​സ് വി​മാ​ന​ത്തി​ൽ വീ​ൽ​ചെ​യ​ർ സൗ​ക​ര്യ​ത്തോ​ടെ അ​ജാ​ജ് നാ​ട​ണ​ഞ്ഞു.