കെ.എം.സി.സി ശറഫിയ്യ സുലൈമാൻ മസ്ജിദ് ഏരിയ കമ്മിറ്റി അംഗത്വ കാമ്പയിൻ ഉദ്ഘാടനം അബൂബക്കർ അരിമ്പ്ര ഉദ്ഘാടനം ചെയ്യുന്നു
ജിദ്ദ: 'കെ.എം.സി.സിയിൽ അംഗമാവുക, പ്രവാസത്തിന്റെ നന്മയാവുക' എന്ന പ്രമേയത്തിൽ ജിദ്ദ കെ.എം.സി.സി സെൻട്രൽ കമ്മിറ്റി നടത്തി വരുന്ന അംഗത്വ കാമ്പയിൻ ശറഫിയ്യ സുലൈമാൻ മസ്ജിദ് ഏരിയയിൽ തുടക്കമായി. കെ.എം.സി.സി സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര കാമ്പയിൻ ഉദ്ഘാടനം ചെയ്തു.
പ്രതിസന്ധി ഘട്ടങ്ങളിൽ പ്രവാസികളെ ചേർത്തുപിടിച്ച മഹത്തായ പ്രസ്ഥാനമാണ് കെ.എം.സി.സി എന്ന് അദ്ദേഹം പറഞ്ഞു. ഏരിയ പ്രസിഡന്റ്‌ മാനു പട്ടിക്കാട് അധ്യക്ഷത വഹിച്ചു. കെ.എം.സി.സി അംഗത്വ വിതരണ ഉദ്ഘാടനം കോഴിക്കോട് ജില്ല കെ.എം.സി.സി വൈസ് പ്രസിഡന്റ്‌ ഇബ്‌റാഹീം കൊല്ലിക്ക് അംഗത്വം നൽകി അബൂബക്കർ അരിമ്പ്ര നിർവഹിച്ചു. സെൻട്രൽ കമ്മിറ്റി സെക്രട്ടറി നാസർ മച്ചിങ്ങൽ, ഇബ്‌റാഹീം നെല്ലിക്കുത്ത്, ഇർഷാദ് കാസർകോട്, അൻവർ സാദത്ത് കുറ്റിപ്പുറം, കെ.സി. മൻസൂർ തുടങ്ങിയവർ സംസാരിച്ചു. ടി.പി. അബ്ദുസ്സലാം സ്വാഗതവും ഹബീബ് പട്ടാമ്പി നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.