നിയമങ്ങൾ പരിഷ്​കരിച്ചത്​ സൗദി വാണിജ്യ  രംഗത്ത്​ കുതിപ്പുണ്ടാക്കി ^നിയമ മന്ത്രാലയം

റിയാദ്​: നിയമങ്ങളിലേയും ചട്ടങ്ങളിലേയും സമൂലമാറ്റം​ സൗദി വാണിജ്യമേഖലക്ക്​ ഗുണകരമായെന്ന്​ നിയമ മന്ത്രാലയം. വ്യവസായങ്ങൾ തുടങ്ങുന്നതിനും വിദേശ നിക്ഷേപം നടത്തുന്നതിനും ലൈസൻസ്​ ചട്ടങ്ങൾ ലഘൂകരിച്ചത്​ ഇൗ രംഗത്ത്​ വൻ കുതിപ്പിനാണ്​ വഴി തെളിച്ചത്​. പരിഷ്​കരണത്തിലൂടെ നിക്ഷേപകർക്ക്​ കൂടുതൽ സൗഹൃദപരമായ അന്തരീക്ഷം സംജാതമാക്കി. ഇതേതുടർന്ന്​ വിദേശ നിക്ഷേപം 130 ശതമാനം വർധിച്ചതായി സൗദി അറേബ്യൻ ജനറൽ ഇൻവെസ്​റ്റ്​മ​​െൻറ്​ അതോറിറ്റിയുടെ (സാഗിയ) 2018 ലെ ആദ്യ പാദ റിപ്പോർട്ട്​ വ്യക്​തമാക്കുന്നു. 157 ലൈസൻസുകൾ അനുവദിച്ചു. കഴിഞ്ഞ വർഷം ഇതേ കാലയളവിൽ നൽകിയത്​ വെറും 68 ലൈസൻസുകൾ മാത്രമായിരുന്നു. 2017 ൽ ആകെ ഇഷ്യൂ ചെയ്​ത 377 ലൈസൻസിലൂടെ 5.7 ശതകോടി റിയാലി​​​െൻറ വിദേശ നിക്ഷേപമാണ്​ രാജ്യത്ത്​ എത്തിയത്​. അതേസമയം ഇൗ വർഷം ആദ്യ മൂന്നുമാസത്തിനുള്ളിൽ തന്നെ ഇരട്ടിയിലധികം നിക്ഷേപകർ രാജ്യത്ത്​ എത്തി. വിദേശ നിക്ഷേപ ചട്ടങ്ങൾ ഉദാരമാക്കിയതും നടപടിക്രമങ്ങൾ ലളിതമാക്കിയതുമാണ്​  കുതിപ്പിന്​ കാരണമെന്ന്​ നിയമ മന്ത്രാലയം ചൊവ്വാഴ്​ച പുറത്തിറക്കിയ റിപ്പോർട്ടിൽ വ്യക്​തമാക്കുന്നു.

എൻജിനീയറിങ്​, വിദ്യാഭ്യാസം, റിക്രൂട്ട്​മ​​െൻറ്​ മേഖലകളിൽ വിദേശ സംരംഭകർക്ക്​ നൂറുശതമാനം ഉടമസ്ഥാവകാശം അനുവദിക്കും വിധമാണ്​ ചട്ടങ്ങളിൽ മാറ്റം വരുത്തിയത്​. അപേക്ഷകളിൽ തീരുമാനമെടുക്കാനും ലൈസൻസ്​ അനുവദിക്കാനുമുള്ള കാലദൈർഘ്യത്തിൽ കുറവുവരുത്തി. നടപടിക്രമങ്ങളുടെ വേഗം കൂട്ടി. വ്യവസായ, വാണിജ്യ രംഗത്തെ തർക്കപരിഹാരത്തിന്​ കഴിഞ്ഞ വർഷം സെപ്​റ്റംബറിൽ റിയാദ്​, ജിദ്ദ, ദമ്മാം എന്നിവിടങ്ങളിൽ വാണിജ്യ കോടതികൾ ആരംഭിച്ചത്​ വിപ്ലവകരമായ മാറ്റത്തിന്​ നാന്ദി കുറിച്ചു. ഇതിന്​ പുറമെ മറ്റ്​ പട്ടണങ്ങളിൽ നിലവിലുള്ള കോടതികളിൽ വാണിജ്യാവശ്യങ്ങൾക്ക്​ പ്രത്യേകം ചേമ്പറുകൾ ഏർപ്പെടുത്തി. പുറമെ അപ്പീൽ ചേമ്പറുകളും അനുവദിച്ചു. വാണിജ്യ കോടതികളോട്​ ചേർന്ന്​ 2019 ൽ തൊഴിൽ കോടതികൾ തുടങ്ങും. സുപ്രീം ജുഡീഷ്യൽ കൗൺസിൽ റിയാദ്​, മക്ക, മദീന, ബുറൈദ, ദമ്മാം, അബ്​ഹ, ജിദ്ദ എന്നിവിടങ്ങളിലും മറ്റ്​ 96 പട്ടണങ്ങളിലും തൊഴിൽ കോടതികൾ തുടങ്ങുന്നതിന്​ അന്തിമാനുമതി നൽകി. രാജ്യത്തെ 13 ദശലക്ഷ​ത്തോളം വരുന്ന തൊഴിലാളികൾക്കിടയിലുണ്ടാകുന്ന തൊഴിൽ തർക്കങ്ങൾക്ക്​ ഉടനടി നീതിന്യായ വഴിയിൽ പരിഹാരം കാണാൻ ഇൗ കോടതി സംവിധാനത്തിലൂടെ സാധിക്കുമെന്നും നിയമ​ന്ത്രാലയം വാർത്താക്കുറിപ്പിൽ പറഞ്ഞു.