ജിദ്ദ: കെ.എം.സി.സി എറണാകുളം ജില്ല കമ്മിറ്റി ‘സമർപ്പിതം 2020’ എന്ന പേരിൽ ക്യാമ്പ് സംഘടിപ്പിച്ചു. മുസ്ലിം ലീഗ് ദേശീയ സമിതി അംഗം ഷാഫി ചാലിയം മുഖ്യപ്രഭാഷണം നടത്തി. ന്യൂനപക്ഷങ്ങൾ പൗരത്വ ഭേദഗതി നിയമത്തിനെതിരെ മതേതര ചേരിക്കൊപ്പം നിന്ന് പോരാടുകയാണ് വേണ്ടതെന്ന് അദ്ദേഹം അഭിപ്രായപ്പെട്ടു. നിയമം നടപ്പാക്കുക വഴി രാജ്യത്ത് വലിയ ചേരിതിരിവ് ഉണ്ടാകുകയും വർഗീയ ശക്തികൾ അതിൽനിന്ന് മുതലെടുപ്പ് നടത്തുകയും ചെയ്യും. ജനാധിപത്യ വിശ്വാസികൾ എന്ത് വിലകൊടുത്തും അതിനെ തടയേണ്ടിയിരിക്കുന്നുവെന്നും അദ്ദേഹം പറഞ്ഞു.
അബൂബക്കർ അരിമ്പ്ര ഉദ്ഘാടനം ചെയ്തു. സുബൈർ കുമ്മനോട് അധ്യക്ഷത വഹിച്ചു. നാസർ എടവനക്കാട്, മുജീബ് റഹ്മാനി, നാസർ വെളിയങ്കോട്, ശിഹാബ് താമരക്കുളം, നസീർ വാവക്കുഞ്ഞു, ശാഹുൽ ഹമീദ് പേഴക്കാപ്പിള്ളി, സിയാദ് മുവാറ്റുപുഴ, സുലൈമാൻ അഹ്സനി, കരീം മൗലവി തേങ്കോട് എന്നിവർ സംസാരിച്ചു. മുഹമ്മദ് ഷാ പാനായിക്കുളം സ്വാഗതവും ജലീൽ പുല്ലാരി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.