ചു​ട്ടു​പൊ​ള്ളി സൗ​ദി; ഉ​ച്ച​വി​ശ്ര​മ​നി​യ​മം ക​ർ​ശ​ന​മാ​യി പാ​ലി​ക്ക​ണ​മെ​ന്ന്​ ഹെ​ൽ​ത്ത്​ കൗ​ൺ​സി​ൽ

യാം​ബു: വേ​ന​ൽ​ച്ചൂ​ട്​ ക​ടു​ത്തി​രി​ക്കെ രാ​ജ്യം ചു​ട്ടു​പൊ​ള്ളു​ന്ന അ​ന്ത​രീ​ക്ഷ​ത്തി​ലേ​ക്ക്​ ക​ട​ന്നു. പു​റം​സ്ഥ​ല​ങ്ങ​ളി​ൽ തൊ​ഴി​ലെ​ടു​ക്കു​ന്ന​വ​ർ​ക്ക്​ ഏ​ർ​പ്പെ​ടു​ത്തി​യ ഉ​ച്ച​വി​ശ്ര​മ​നി​യ​മം ക​ർ​ശ​ന​മാ​യി പാ​ലി​ക്ക​ണ​മെ​ന്ന്​ നാ​ഷ​ന​ൽ കൗ​ൺ​സി​ൽ ഫോ​ർ ഒ​ക്യു​പേ​ഷ​ന​ൽ ഹെ​ൽ​ത്ത് കൗ​ൺ​സി​ൽ ആ​വ​ശ്യ​പ്പെ​ട്ടു. ഉ​ച്ച​ക്ക് 12 മു​ത​ൽ മൂ​ന്നു​ വ​രെ തു​റ​സാ​യ സ്ഥ​ല​ത്ത് തൊ​ഴി​ലാ​ളി​ക​ളെ ജോ​ലി​യെ​ടു​പ്പി​ക്കാ​ൻ പാ​ടി​ല്ലെ​ന്ന​ത​ട​ക്ക​മു​ള്ള ക​​ർ​ശ​ന നി​ർ​ദേ​ശ​ങ്ങ​ൾ രാ​ജ്യ​ത്തെ തൊ​ഴി​ൽ സ്ഥാ​പ​ന​ങ്ങ​ൾ​ക്ക്​ ന​ൽ​കി.

വേ​ന​ൽ​ക്കാ​ലം അ​വ​സാ​നി​ക്കു സെ​പ്​​തം​ബ​ർ 15 വ​രെ തു​ട​രു​ന്ന ഉ​ച്ച​ജോ​ലി നി​രോ​ധ​നം നി​ർ​ബ​ന്ധ​മാ​യും പാ​ലി​ക്ക​ണം. ഈ ​സ​മ​യ​ത്ത് തൊ​ഴി​ലാ​ളി​ക​ൾ​ക്ക് വി​ശ്ര​മി​ക്കാ​നു​ള്ള സൗ​ക​ര്യ​വും ക​മ്പ​നി​ക​ൾ ഒ​രു​ക്ക​ണം.

നി​യ​മം ലം​ഘി​ക്കു​ന്ന ക​മ്പ​നി​ക​ൾ​ക്കും സ്ഥാ​പ​ന​ങ്ങ​ൾ​ക്കു​മെ​തി​രെ പി​ഴ​യ​ട​ക്ക​മു​ള്ള ശി​ക്ഷാ​ന​ട​പ​ടി സ്വീ​ക​രി​ക്കും. സൗ​ദി മാ​ന​വ വി​ഭ​വ​ശേ​ഷി സാ​മൂ​ഹി​ക വി​ക​സ​ന മ​ന്ത്രാ​ല​യ​മാ​ണ്​ ന​ട​പ​ടി സ്വീ​ക​രി​ക്കു​ക. വേ​ന​ൽ ക​ടു​ത്ത​തോ​ടെ രാ​ജ്യ​ത്തെ ചി​ല ഭാ​ഗ​ങ്ങ​ളി​ൽ 50 ഡി​ഗ്രി സെ​ൽ​ഷ​സ്​ വ​രെ​യാ​ണ്​ താ​പ​നി​ല. ചി​ല​യി​ട​ങ്ങ​ളി​ൽ ക​ടു​ത്ത ചൂ​ടി​നൊ​പ്പം പൊ​ടി​ക്കാ​റ്റും കൂ​ടി എ​ത്തി​യ​തോ​ടെ പു​റ​ത്തി​റ​ങ്ങാ​നാ​വാ​ത്ത അ​വ​സ്ഥ​യി​ലാ​ണ് ജ​ന​ങ്ങ​ൾ.

സൂ​ര്യ​താ​പം നേ​രി​ട്ട് ഏ​ൽ​ക്കു​ന്ന പു​റം​തൊ​ഴി​ലി​ൽ ഏ​ർ​പ്പെ​ടു​ന്ന ജോ​ലി​ക്കാ​ണ്​ ഉ​ച്ച​വി​ശ്ര​മ നി​യ​മം ബാ​ധ​കം. തൊ​ഴി​ലാ​ളി​ക​ളു​ടെ ആ​രോ​ഗ്യ​ത്തി​ന് ഭീ​ഷ​ണി​യാ​കു​ക​യും ഉ​ൽ​പ്പാ​ദ​ന​ക്ഷ​മ​ത കു​റ​ക്കു​ക​യും ചെ​യ്യു​ന്ന സാ​ഹ​ച​ര്യ​ത്തി​ൽ കൂ​ടു​ത​ൽ ശ്ര​ദ്ധ വേ​ണ​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കു​ന്നു. ക​ടു​ത്ത ഉ​ഷ്ണ​മു​ള്ള സ​മ​യ​ങ്ങ​ളി​ൽ വേ​ണ്ട​ത്ര മു​ൻ​ക​രു​ത​ലു​ക​ൾ എ​ടു​ത്തി​ല്ലെ​ങ്കി​ൽ ക​ടു​ത്ത ആ​രോ​ഗ്യ​പ്ര​ശ്ന​ങ്ങ​ൾ​ക്ക് വ​ഴി​വെ​ച്ചേ​ക്കു​മെ​ന്ന് ആ​രോ​ഗ്യ പ്ര​വ​ർ​ത്ത​ക​ർ മു​ന്ന​റി​യി​പ്പ് ന​ൽ​കു​ന്നു.

സൂ​ര്യ​പ്ര​കാ​ശം നേ​രി​​ട്ടേ​ൽ​ക്കു​ന്ന അ​ന്ത​രീ​ക്ഷ​ത്തി​ൽ​നി​ന്നു​ള്ള ജോ​ലി തൊ​ഴി​ലാ​ളി​ക​ളെ ഗു​രു​ത​ര​മാ​യ ആ​രോ​ഗ്യ അ​പ​ക​ട​ങ്ങ​ളി​ലേ​ക്ക്​ ന​യി​ക്കു​മെ​ന്ന്​ നാ​ഷ​ന​ൽ കൗ​ൺ​സി​ൽ ഫോ​ർ ഒ​ക്യു​പേ​ഷ​ന​ൽ ഹെ​ൽ​ത്ത് ആ​ൻ​ഡ് സേ​ഫ്റ്റി അ​ധി​കൃ​ത​ർ ചൂ​ണ്ടി​ക്കാ​ട്ടി. ക​ടു​ത്ത ചൂ​ടു​ള്ള സ​മ​യ​ങ്ങ​ളി​ൽ ജോ​ലി ചെ​യ്താ​ൽ ചൂ​ട് സ​മ്മ​ർ​ദം, ഉ​ൽ​പ്പാ​ദ​ന​ക്ഷ​മ​ത കു​റ​യ​ൽ, തൊ​ഴി​ൽ​പ​ര​മാ​യ പ​രി​ക്കു​ക​ൾ എ​ന്നി​വ ഉ​ണ്ടാ​കാ​നു​ള്ള സാ​ധ്യ​ത കൂ​ടു​ത​ലാ​ണ്.

സൂ​ര്യ​പ്ര​കാ​ശം ദീ​ർ​ഘ​നേ​രം നേ​രി​​ട്ടേ​ൽ​ക്കു​ന്ന​ത് ആ​രോ​ഗ്യ​ത്തി​ന് ഹാ​നി​ക​ര​മാ​ണെ​ന്നും ക്ഷീ​ണം, നാ​ഡീ​വ്യ​വ​സ്ഥ​യു​ടെ ത​ക​രാ​റു​ക​ൾ തു​ട​ങ്ങി​യ ഗു​രു​ത​ര​മാ​യ ആ​രോ​ഗ്യ പ്ര​ത്യാ​ഘാ​ത​ങ്ങ​ൾ​ക്ക് കാ​ര​ണ​മാ​കു​മെ​ന്നും കൗ​ൺ​സി​ൽ വി​ശ​ദീ​ക​രി​ച്ചു.

സു​ര​ക്ഷ​നി​ർ​ദേ​ശ​ങ്ങ​ൾ ക​ർ​ശ​ന​മാ​യി പാ​ലി​ക്കു​ക​യും നി​രോ​ധി​ത​സ​മ​യ​ങ്ങ​ളി​ൽ ജോ​ലി ചെ​യ്യു​ന്ന​ത് ഒ​ഴി​വാ​ക്കു​ക​യും വേ​ണം. തൊ​ഴി​ലാ​ളി സു​ര​ക്ഷ സം​ര​ക്ഷി​ക്കു​ക​യും സു​ര​ക്ഷി​ത​വും ആ​രോ​ഗ്യ​ക​ര​വു​മാ​യ തൊ​ഴി​ൽ അ​ന്ത​രീ​ക്ഷം ഒ​രു​ക്കു​ക​യും ചെ​യ്യേ​ണ്ട​തി​ന്റെ പ്രാ​ധാ​ന്യം കൗ​ൺ​സി​ൽ ഊ​ന്നി​പ്പ​റ​ഞ്ഞു.