ഖമീസ് മുശൈത്ത്: പാലക്കാട് സ്വദേശി കോവിഡ് ബാധിച്ച് മരിച്ചു. മാങ്കുറുശ്ശി തെക്കുംമുറി സ്വദേശി രാമകൃഷ്ണൻ (64) ആണ് മരിച്ചത്. ഒരാഴ്ചയായി കോവിഡ് ബാധിച്ച് ആശുപത്രിയിൽ ചികിത്സയിലായിരുന്നു. ഖമീസ് മുശൈത്തിൽ കോവിഡ് ബാധിച്ച് മരിക്കുന്ന ആദ്യ മലയാളിയാണ് ഇദ്ദേഹം. സുഹൃത്തുക്കൾക്കിടയിൽ വി.സി.ആർ എന്ന ചുരുക്കപ്പേരിൽ അറിയപ്പെടുന്ന ഇദ്ദേഹം 28 വർഷങ്ങളായി ഖമീസ് മുശൈത്തിൽ ടൈലർ ആയി ജോലി ചെയ്തുവരികയായിരുന്നു.
ഒരു വർഷം മുമ്പാണ് അവധിക്ക് നാട്ടിൽ പോയി തിരിച്ചുവന്നത്. പിതാവ്: സാമിയാർ, ഭാര്യ: പ്രേമ, മകൻ പ്രദീപ് (ഒമാൻ), പ്രബിത, അശ്വതി. മൃതദേഹം അബഹയിൽ ഖബറടക്കുമെന്ന് നടപടിക്രമങ്ങൾ പൂർത്തീകരിക്കാൻ രംഗത്തുള്ള ഇന്ത്യൻ സോഷ്യൽ ഫോറം അസീർ റീജിയൻ എക്സിക്യൂട്ടീവ് മെമ്പറും ജിദ്ദ കോൺസുലേറ്റ് സാമൂഹികക്ഷേമ വിഭാഗം പ്രവർത്തകനുമായ ഹനീഫ മഞ്ചേശ്വരം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.