ഫ​ല​സ്​​തീ​ന്​ സൗ​ദി​യു​ടെ സ​ഹാ​യം വീ​ണ്ടും; മൂ​ന്നു​ കോ​ടി ഡോ​ള​ർ കൂ​ടി

റി​യാ​ദ്​: ഇ​സ്രാ​യേ​ൽ അ​ക്ര​മ​ണ​ത്തി​ൽ ക​ഷ്​​ട​ത അ​നു​ഭ​വി​ക്കു​ന്ന ഫ​ല​സ്​​തീ​ന്​ വീ​ണ്ടും സാ​മ്പ​ത്തി​ക സ​ഹാ​യം ന​ൽ​കി സൗ​ദി അ​റേ​ബ്യ. ഫ​ല​സ്​​തീ​ൻ എ​ന്ന രാ​ഷ്​​ട്ര​ത്തി​ന്​ ന​ൽ​കു​ന്ന തു​ട​ർ​ച്ച​യാ​യ പി​ന്തു​ണ​യു​​ടെ ഭാ​ഗ​മാ​യാ​ണി​ത്. ക​ഴി​ഞ്ഞ വ​ർ​ഷം 500 കോ​ടി ഡോ​ള​ർ ന​ൽ​കി​യി​രു​ന്നു.

ജോ​ർ​ഡ​നി​ലെ സൗ​ദി എം​ബ​സി​യി​ൽ ന​ട​ന്ന കൂ​ടി​ക്കാ​ഴ്​​ച​ക്കി​ടെ ഫ​ല​സ്​​തീ​ൻ ധ​ന​മ​ന്ത്രി ഉ​മ​ർ ബി​താ​റി​ന്​ സൗ​ദി എം​ബ​സി ആ​ക്ടി​ങ്​ ചാ​ർ​ജ് ഡി ​അ​ഫ​യേ​ഴ്‌​സ് മു​ഹ​മ്മ​ദ്​ ബി​ൻ ഹ​സ​ൻ മു​അ്​​നി​സ്​​ തു​ക കൈ​മാ​റി. സൗ​ദി ന​ൽ​കു​ന്ന തു​ട​ർ​ച്ച​യാ​യ സാ​മ്പ​ത്തി​ക, രാ​ഷ്​​ട്രീ​യ പി​ന്തു​ണ​ക്ക്​ ഉ​മ​ർ ബി​താ​ർ ന​ന്ദി പ​റ​ഞ്ഞു. ഇ​സ്രാ​യേ​ലി​​ന്റെ ക്രൂ​ര​മാ​യ ന​യ​ങ്ങ​ളു​ടെ ഫ​ല​മാ​യി ഫ​ല​സ്തീ​ൻ രാ​ജ്യം നേ​രി​ടു​ന്ന സാ​മ്പ​ത്തി​ക പ്ര​തി​സ​ന്ധി ല​ഘൂ​ക​രി​ക്കു​ന്ന​തി​ൽ സൗ​ദി​യു​ടെ സ​ഹാ​യം​ വ​ലി​യ പ​ങ്കു​വ​ഹി​ക്കു​ന്നു​ണ്ടെ​ന്ന്​ അ​ദ്ദേ​ഹം കൂ​ട്ടി​ച്ചേ​ർ​ത്തു.

ഫ​ല​സ്തീ​ൻ സ​ർ​ക്കാ​രി​നെ പി​ന്തു​ണ​ക്കു​ന്ന​തി​നും സാ​മ്പ​ത്തി​ക ബാ​ധ്യ​ത​ക​ൾ നി​റ​വേ​റ്റാ​ൻ പ്രാ​പ്ത​മാ​ക്കു​ന്ന​തി​നു​മു​ള്ള സൗ​ദി​യു​ടെ പ്ര​തി​ബ​ദ്ധ​ത​യു​ടെ ച​ട്ട​ക്കൂ​ടി​നു​ള്ളി​ലാ​ണ് സ​ഹാ​യം ന​ൽ​കു​ന്ന​തെ​ന്ന്​ മു​ഹ​മ്മ​ദ്​ ബി​ൻ ഹ​സ​ൻ മു​അ്​​നി​സ്​ പ​റ​ഞ്ഞു. ഫ​ല​സ്തീ​ൻ ജ​ന​ത​യു​ടെ പ്ര​തി​രോ​ധ​ശേ​ഷി ശ​ക്തി​പ്പെ​ടു​ത്തു​ന്ന​തി​ലും സാ​മ്പ​ത്തി​ക​വും മാ​നു​ഷി​ക​വു​മാ​യ വെ​ല്ലു​വി​ളി​ക​ൾ നേ​രി​ടു​മ്പോ​ൾ അ​വ​രു​ടെ ദു​രി​ത​ങ്ങ​ൾ ല​ഘൂ​ക​രി​ക്കു​ന്ന​തി​ലും ഈ ​സ​ഹാ​യ​ത്തി​ന്റെ പ്രാ​ധാ​ന്യം അ​ദ്ദേ​ഹം സൂ​ചി​പ്പി​ച്ചു.

ഫ​ല​സ്തീ​ൻ രാ​ഷ്​​ട്ര​ത്തി​ന്​ മാ​നു​ഷി​ക, ദു​രി​താ​ശ്വാ​സ, വി​ക​സ​ന രം​ഗ​ങ്ങ​ളി​ൽ ഉ​ൾ​പ്പെ​ടെ സൗ​ദി അ​റേ​ബ്യ സ​മീ​പ വ​ർ​ഷ​ങ്ങ​ളി​ൽ ക​ഴി​യു​ന്ന​ത്ര സ​ഹാ​യി​​ക്കു​​ന്നു​​ണ്ടെ​ന്ന്​ അ​ദ്ദേ​ഹം പ​റ​ഞ്ഞു. ജ​ന​ത​യു​ടെ അ​വ​കാ​ശ​ങ്ങ​ളെ പി​ന്തു​ണ​ക്കു​ന്ന​തി​നു​ള്ള ഉ​റ​ച്ച പ്ര​തി​ബ​ദ്ധ​ത അ​ദ്ദേ​ഹം ഊ​ന്നി​പ്പ​റ​ഞ്ഞു.