മുഹമ്മദ് റഫിയുടെ 42ാം ഓർമദിനത്തിൽ ഇന്ത്യൻ എംബസി ഓഡിറ്റോറിയത്തിൽ അരങ്ങേറിയ സംഗീത പരിപാടി
റിയാദ്: ഇന്ത്യൻ സ്വാതന്ത്ര്യദിനവാർഷികമായ 'അമൃതോത്സവ'ത്തിന്റെ ഭാഗമായി വിഖ്യാത ഗായകൻ മുഹമ്മദ് റഫിയുടെ 42ാം ഓർമദിനത്തിൽ റിയാദിലെ ഇന്ത്യൻ എംബസി ഓഡിറ്റോറിയത്തിൽ സംഗീത വിരുന്നൊരുക്കി.
മുഹമ്മദ് റഫി പാടി അന്വശ്വരമാക്കിയ ഗാനങ്ങൾ കോർത്തിണക്കി ആദര സൂചകമായി 'ബ്രൗൺ സാൻഡ് ഈവന്റ്സി'ന്റെ സഹകരണത്തോടെയാണ് ലൈവ് ഓർക്കസ്ട്രയുടെ അകമ്പടിയോടെ അരങ്ങേറിയത്. പ്രോഗ്രാം ചീഫ് കോഓഡിനേറ്റർ യൂനസ് പാടുങ്ങൽ, കോഓഡിറ്റേർ ജയ് ജേക്കബ്, ഓർക്കസ്ട്രേഷൻ ചീഫ് നൗഷാദ് ഷാ, ഓർകസ്ട്രേഷൻ അസിസ്റ്റന്റ് ബാബു ഷാ എന്നിവരുടെ നേതൃത്വത്തിൽ റിയാദിലെ പ്രവാസിഗായകരായ റഹീം ഉപ്പള, ജലീൽ കൊച്ചിൻ, കബീർ തലശ്ശേരി, നിഷാ ബിനീഷ്, മാലിനി ജയ്, നേഹാ പുഷ്പരാജ് എന്നിവരുടെ ഗാനാലാപനത്തിലൂടെ മനോഹരമായ ഗാനവിരുന്ന് റിയാദ് സമൂഹത്തിന് സമ്മാനിച്ചു. പരിപാടിയുടെ ഔദ്യോഗിക ഉദ്ഘാടനം ഇന്ത്യൻ എംബസി കമ്യൂണിറ്റി വെൽഫയർ സെക്കൻഡ് സെക്രട്ടറി അനിൽ റാത്തൂരി നിർവഹിച്ചു.
ഹെനാ പുഷ്പരാജ് സ്വാഗതവും ഇന്ത്യൻ എംബസി ഉദ്യോഗസ്ഥരായ പുഷ്പരാജ്, ഷഫീഖ്, സജിൻ എന്നിവർ നേതൃത്വം നൽകി. സുബി സജിൻ അവതാരകനായിരുന്നു. എംബസി ഓഡിറ്റോറിയത്തിൽ നടന്ന പരിപാടിയിൽ റിയാദിലെ പൗര പ്രമുഖരും ക്ഷണിക്കപ്പെട്ട അതിഥികളും കുടുംബങ്ങളും പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.