കേന്ദ്ര സർക്കാറിന്റെ ജനാധിപത്യ ധ്വംസനത്തിനെതിരെ ജിദ്ദ പെരിന്തൽമണ്ണ മണ്ഡലം കെ.എം.സി.സി സംഘടിപ്പിച്ച പ്രതിഷേധം
ജിദ്ദ: കേന്ദ്ര സർക്കാറിന്റെ ജനാധിപത്യ ധ്വംസനത്തിനെതിരെയും രാഹുൽ ഗാന്ധിയെ അയോഗ്യനാക്കി വിമർശനങ്ങളുടെ വായടപ്പിക്കാനുള്ള കേന്ദ്ര നീക്കങ്ങൾക്കെതിരെയും ജിദ്ദ കെ.എം.സി.സി പെരിന്തൽമണ്ണ മണ്ഡലം ശക്തമായി പ്രതിഷേധിച്ചു. രാജ്യത്തിന് വേണ്ടി പോരാടുന്ന രാഹുൽ ഗാന്ധിക്ക് കരുത്ത് പകരുന്നതിനായി ജനാധിപത്യ വിശ്വാസികൾ ഒരുമിച്ച് പിന്തുണ നൽകേണ്ട സമയമാണിതെന്നും മണ്ഡലം കമ്മിറ്റി നടത്തിയ ഇഫ്താർ മീറ്റിൽ സൈനുൽ ആബിദീൻ തങ്ങൾ അവതരിപ്പിച്ച പ്രമേയത്തിൽ ആവശ്യപ്പെട്ടു.
ജെ.ഐ.സി സൗദി നാഷനൽ കമ്മിറ്റി പ്രസിഡൻറ് ഉബൈദുല്ല തങ്ങൾ ഉദ്ഘാടനം ചെയ്തു. മണ്ഡലം ആക്ടിങ് പ്രസിഡൻറ് മുസ്തഫ കോഴിശ്ശീരി അധ്യക്ഷത വഹിച്ചു. കെ.എം.സി.സി സെൻട്രൽ കമ്മിറ്റി സെക്രട്ടറി നാസർ മച്ചിങ്ങൽ മുഖ്യപ്രഭാഷണം നടത്തി. ജില്ല സെക്രട്ടറി ജലീൽ തേഞ്ഞിപ്പലം, ലത്തീഫ് കാപ്പുങ്ങൽ, പെൻറീഫ് ജനറൽ സെക്രട്ടറി അബ്ദുൽ മജീദ് പുത്തൂർ എന്നിവർ സംസാരിച്ചു. മണ്ഡലം ജനറൽ സെക്രട്ടറി അഷ്റഫ് താഴെക്കോട് സ്വാഗതവും ട്രഷറർ മണി പെരിന്തൽമണ്ണ നന്ദിയും പറഞ്ഞു. മുഹമ്മദാലി മുസ്ലിയാർ വെട്ടത്തൂർ പ്രാർഥന നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.