‘ഫാം ​ഡി’ സേ​വ​നം ഇ​ല്ലാ​തെ എ​ങ്ങ​നെ ലോ​ക​നി​ല​വാ​ര​ത്തി​ലെ​ത്തും?

ഏ​ത് രാ​ജ്യ​ത്തും ആ​രോ​ഗ്യ​വ​കു​പ്പ് സു​പ്ര​ധാ​ന​മാ​ണ്. ജ​ന​ങ്ങ​ളു​ടെ ജീ​വ​ൻ ര​ക്ഷാ​വ​കു​പ്പ് എ​ന്നു​ത​ന്നെ ആ​രോ​ഗ്യ വ​കു​പ്പി​നെ വി​ശേ​ഷി​പ്പി​ക്കാം. അ​പ്ര​തീ​ക്ഷി​ത​മാ​യി പൊ​ട്ടി​പ്പു​റ​പ്പെ​ടു​ന്ന പ​ക​ർ​ച്ചാവ്യാ​ധി​ക​ൾ, അ​പ​ക​ട​ങ്ങ​ൾ, സു​ര​ക്ഷാ​വീ​ഴ്ച​ക​ൾ എ​ന്നി​വ കാ​ര​ണം ഉ​ണ്ടാ​കു​ന്ന ദു​ര​ന്ത​ങ്ങ​ൾ, ആ​ശു​പ​ത്രി​ക​ളി​ലെ ചി​കി​ത്സ​ക​ളി​ലും പ​രി​ച​ര​ണ​ങ്ങ​ളി​ലും സം​ഭ​വി​ക്കു​ന്ന വീ​ഴ്ച​ക​ൾ തു​ട​ങ്ങി ആ​രോ​ഗ്യ​മേ​ഖ​ല​ക്ക്​ പ്ര​ശ്ന​ങ്ങ​ൾ ഒ​ഴി​ഞ്ഞ കാ​ലം ഇ​ല്ല എ​ന്നു ത​ന്നെ പ​റ​യാം.

ഏ​റ്റ​വും ഉ​ന്ന​ത​മാ​യ സം​വി​ധാ​ന​ങ്ങ​ളും കു​റ്റ​മ​റ്റ നി​രീ​ക്ഷ​ണ​ങ്ങ​ളു​മി​ല്ലാ​തെ ആ​രോ​ഗ്യ​വ​കു​പ്പി​ന് മു​ന്നോ​ട്ടു പോ​കു​വാ​ൻ ക​ഴി​യി​ല്ല. അ​തു​കൂ​ടാ​തെ സ​ർ​ക്കാ​ർ മേ​ഖ​ല​യി​ൽ മെ​ഡി​ക്ക​ൽ സ്​​റ്റാ​ഫ്‌ മു​ത​ൽ സെ​ക്യൂ​രി​റ്റി സ്​​റ്റാ​ഫ്‌ വ​രെ രോ​ഗി​ക​ളു​മാ​യും പൊ​തു​ജ​ന​ങ്ങ​ളു​മാ​യും ഇ​ത്ര​യ​ധി​കം നി​ര​ന്ത​രം സ​മ്പ​ർ​ക്ക​ത്തി​ൽ വ​രു​ന്ന, വേ​റെ വ​കു​പ്പു​ക​ൾ വി​ര​ള​മാ​ണ്, അ​തു​മാ​യി ബ​ന്ധ​പ്പെ​ട്ടു​ള്ള പ്ര​ശ്ന​ങ്ങ​ൾ വേ​റെ​യും വ​ന്നു​കൂ​ടാ​യ്ക​യി​ല്ല.

ആ​രോ​ഗ്യ​മേ​ഖ​ല​യി​ൽ സ​ങ്കീ​ർ​ണ​മാ​യ പ്ര​ശ്ന​ങ്ങ​ൾ അ​ധി​ക​മാ​ണ് എ​ന്ന​തി​നാ​ൽ ത​ന്നെ അ​വ​ക്ക്​ പ​രി​ഹാ​രം കാ​ണാ​ൻ ക​ഴി​വും കാ​ര്യ​പ്രാ​പ്തി​യു​മു​ള്ള ഔ​ദ്യോ​ഗി​ക നേ​തൃ​ത്വ​വും അ​നി​വാ​ര്യ​മാ​ണ്. ലോ​ക​നി​ലാ​വാ​ര​ത്തി​ലേ​ക്ക്​ എ​ത്തു​വാ​ൻ ലോ​കോ​ത്ത​ര പ​രി​ഷ്കാ​ര​ന​ട​പ​ടി​ക​ൾ ആ​രോ​ഗ്യ​രം​ഗ​ത്ത്​ അ​തോ​ടൊ​പ്പം ഏ​റ്റ​വും പ​രി​ച​യ​സ​മ്പ​ന്ന​ത​യും ഭ​ര​ണ​നൈ​പു​ണ്യ​വു​മു​ള്ള ജ​ന​കീ​യ രാ​ഷ്​​ട്രീ​യ നേ​തൃ​ത്വ​മാ​ണ്‌ ആ​രോ​ഗ്യ​വ​കു​പ്പി​ന്റെ ത​ല​പ്പ​ത്തു വ​രേ​ണ്ട​ത്.

ആ​രോ​ഗ്യ​രം​ഗ​ത്തു ലോ​കാ​രോ​ഗ്യ സം​ഘ​ട​ന​യു​ടെ​യും യു.​എ​സ്.​എ, യു.​കെ തു​ട​ങ്ങി​യ വി​ക​സി​ത രാ​ജ്യ​ങ്ങ​ളു​ടെ​യും നി​ർ​ദേ​ശ​ങ്ങ​ൾ വി​ക​സ്വ​ര​രാ​ജ്യ​ങ്ങ​ൾ​ക്ക് അ​വ​ഗ​ണി​ക്കു​വാ​ൻ ക​ഴി​യി​ല്ല. ആ​രോ​ഗ്യ​രം​ഗ​ത്തെ ലോ​കോ​ത്ത​ര നി​ല​വാ​രം എ​ന്ന​ത് നി​ര​ന്ത​ര​മാ​യി കേ​ര​ള​ത്തി​ൽ ച​ർ​ച്ച ചെ​യ്യ​പ്പെ​ടു​ന്ന ഒ​രു വ​സ്തു​ത​യാ​ണ്. എ​ന്നാ​ൽ എ​ന്താ​ണ് യ​ഥാ​ർ​ഥ​ത്തി​ൽ ലോ​കോ​ത്ത​ര നി​ല​വാ​ര​മെ​ന്ന​തു​കൊ​ണ്ടു വി​വ​ക്ഷി​ക്ക​പ്പെ​ടു​ന്ന​ത്?

ആ​ധു​നി​ക സാ​ങ്കേ​തി​ക​വി​ദ്യ സ്വാ​യ​ത്ത​മാ​ക്കു​ന്ന​തി​ലോ ശ​സ്ത്ര​ക്രി​യാ​രീ​തി​ക​ളി​ലോ ആ ​വി​വ​ക്ഷ പ​രി​മി​ത​പ്പെ​ടു​ത്തു​വാ​ൻ ക​ഴി​യി​ല്ല. ഡോ​ക്ട​റു​ടെ​യും രോ​ഗി​ക​ളു​ടെ​യും ഇ​ട​യി​ൽ ഇ​ഴ മു​റി​ഞ്ഞു​പോ​യ ഒ​രു സൂ​പ്ര​ധാ​ന ക​ണ്ണി​യു​ണ്ട്. അ​തു​കൂ​ടി ചേ​ർ​ന്നാ​ൽ മാ​ത്ര​മേ ആ​ധു​നി​ക ചി​കി​ത്സാ​രം​ഗം ലോ​ക​നി​ലാ​വാ​ര​ത്തി​ലേ​ക്ക് എ​ത്തു​ന്നു​വെ​ന്ന് ന​മു​ക്ക് അ​വ​കാ​ശ​പ്പെ​ടു​വാ​ൻ ക​ഴി​യു​ക​യു​ള്ളൂ. ആ ​ക​ണ്ണി ‘ഫാം ​ഡി’ പ​ഠി​ച്ച ക്ലി​നി​ക്ക​ൽ ഫാ​ർ​മ​സി​യു​ടേ​താ​ണ്.

യു.​എ​സ്.​എ​യി​ൽ 2000 മു​ത​ൽ എ​ല്ലാ ആ​ശു​പ​ത്രി​ക​ളി​ലും ഫാം ​ഡി​യു​ടെ സേ​വ​നം നി​ർ​ബ​ന്ധ​മാ​ണ്. അ​ത്​ മു​ന്നി​ൽ ക​ണ്ടാ​ക​ണം കേ​ര​ള​ത്തി​ൽ സ്വാ​ശ്ര​യ മേ​ഖ​ല​യി​ൽ ഫാം ​ഡി കോ​ഴ്സ് തു​ട​ങ്ങി​യ​ത്. സ​ർ​ക്കാ​ർ​ത​ല​ത്തി​ൽ സാ​മ്പ​ത്തി​ക ബു​ദ്ധി​മു​ട്ട് എ​ന്ന കാ​ര​ണം പ​റ​ഞ്ഞു ഇ​തു​വ​രെ​യും ഫാം ​ഡി തു​ട​ങ്ങി​യി​ട്ടി​ല്ല. ര​ണ്ടു സ്വാ​ശ്ര​യ കോ​ള​ജ്, ഒ​രു സ​ർ​ക്കാ​ർ കോ​ള​ജ് എ​ന്ന അ​നു​പാ​ത​മാ​ണ്‌ വി​വ​ക്ഷി​ക്ക​പ്പെ​ട്ടി​രു​ന്ന​ത്. എ​ന്നാ​ൽ ഉ​ന്ന​ത മെ​രി​റ്റി​ൽ അ​ഡ്മി​ഷ​ൻ നേ​ടു​ക​യും ഉ​ന്ന​ത​മാ​യ വി​ജ​യം നേ​ടു​ക​യും ചെ​യ്തി​ട്ടും എ​ല്ലാ​വ​രെ​യും സ​ർ​ക്കാ​ർ ത​ല​ത്തി​ൽ കോ​ഴ്സ് ഇ​ല്ല​ല്ലോ, അ​തി​നാ​ൽ സ​ർ​ക്കാ​ർ ത​ല​ത്തി​ൽ ത​സ്തി​ക​യും തീ​രു​മാ​ന​മാ​യി​ട്ടി​ല്ല എ​ന്ന നി​ല​പാ​ട് കേ​ര​ള​ത്തി​ലെ സ​ർ​ക്കാ​ർ ആ​രോ​ഗ്യ​മേ​ഖ​ല​ക്ക്​ ന​ഷ്​​ട​വും ക​ള​ങ്ക​വു​മാ​യി തു​ട​രു​ക​യാ​ണ്.

എ​ന്നാ​ൽ സ്വ​കാ​ര്യ മെ​ഡി​ക്ക​ൽ കോ​ള​ജു​ക​ൾ ഫാം ​ഡി​യെ ഉ​ൾ​ക്കൊ​ള്ളാ​ൻ ത​യാ​റാ​യി​ട്ടു​ണ്ട്. അ​തി​​ന്റെ ഗു​ണ​ഫ​ല​ങ്ങ​ൾ സ്വ​കാ​ര്യ​മേ​ഖ​ല​യി​ൽ ഉ​ണ്ടാ​യി​ട്ടു​ണ്ട് എ​ന്ന യാ​ഥാ​ർ​ഥ്യം ആ​രോ​ഗ്യ​വ​കു​പ്പ് ഉ​ൾ​ക്കൊ​ള്ളാ​ൻ ത​യാ​റാ​വു​ക​യും സ​ർ​ക്കാ​ർ ത​ല​ത്തി​ൽ ഫാം ​ഡി സേ​വ​നം കൂ​ടി പൂ​ർ​ണ​മാ​യും ല​ഭ്യ​മാ​ക്കു​ക​യും ചെ​യ്‌​താ​ൽ മാ​ത്ര​മേ കേ​ര​ള ആ​രോ​ഗ്യ​രം​ഗം ലോ​കോ​ത്ത​ര​മാ​കൂ.