കെ.എം.സി.സി ജില്ലതല ഫുട്ബാൾ ജഴ്സി പ്രകാശനം മുസ്തഫ കവായി നിർവഹിക്കുന്നു
റിയാദ്: കെ.എം.സി.സി റിയാദ് സെൻട്രൽ കമ്മിറ്റി 'ഫെസ്റ്റിവിസ്റ്റ 2021' സാംസ്കാരിക മേളയുടെ ഭാഗമായി സംഘടിപ്പിക്കുന്ന ജില്ലതല ഏകദിന സെവൻസ് ഫുട്ബാളിന് വെള്ളിയാഴ്ച വൈകീട്ട് അഞ്ചിന് അൽഖർജ് ഇസ്കാൻ ഗ്രൗണ്ടിൽ ആരംഭം കുറിക്കും.
നോക്കൗട്ട് അടിസ്ഥാനത്തിൽ എട്ട് ജില്ലകൾ തമ്മിലാണ് മത്സരം. വിന്നേഴ്സിന് വെസ്റ്റേൺ യൂനിയൻ ട്രോഫിയും 2,500 റിയാൽ പ്രൈസ് മണിയും റണ്ണേഴ്സിന് ട്രോഫിയും 1,500 റിയാൽ പ്രൈസ് മണിയുമാണ് നൽകുക.
ഉദ്ഘാടനത്തോടനുബന്ധിച്ച് ജില്ലകളുടെ മാർച്ച് പാസ്റ്റും വിവിധ കലാരൂപങ്ങളും ഗ്രൗണ്ടിൽ അരങ്ങേറും. ബത്ഹ കെ.എം.സി.സി ഓഫിസിൽ ചേർന്ന ചടങ്ങിൽ ട്രോഫി, ജഴ്സി എന്നിവയുടെ പ്രകാശനവും നടന്നു. അബ്ദുൽ മജീദ് പയ്യന്നൂർ ചടങ്ങിൽ അധ്യക്ഷത വഹിച്ചു.
യോഗം വെസ്റ്റേൺ യൂനിയൻ പ്രതിനിധി മുസ്തഫ കവ്വായി ഉദ്ഘാടനം ചെയ്തു. യു.പി. മുസ്തഫ, കബീർ വൈലത്തൂർ, ഷാഹിദ്, റസാഖ് വളകൈ, എ.യു. സിദ്ദീഖ് കോങ്ങാട് എന്നിവർ സംസാരിച്ചു. മുജീബ് ഉപ്പട സ്വാഗതവും അബ്ദുറഹ്മാൻ ഫറോക്ക് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.