ദമ്മാം: ദമ്മാം എയർപോർട്ടിൽ നാട്ടിൽ പോകാനായി എമിഗ്രേഷൻ കഴിഞ്ഞ തലശ്ശേരി പൊന്നിയം സ് വദേശിയും കതിരൂർ പഞ്ചായത്ത് മുസ്ലിം ലീഗ് ജനറൽ സെക്രട്ടറിയുമായ എം.സി.കെ. ഖാലിദ് (70) ഹ ൃദയാഘാതം മൂലം മരിച്ചു. കതിരൂർ പഞ്ചായത്ത് മുസ്ലീം ലീഗ് ജനറൽ സെക്രട്ടറിയുമായ എം.സി.കെ ഖാലിദ് വെള്ളിയാഴ്ച പുലർച്ചെ കോഴിക്കോട്ടേക്കുള്ള എയർ ഇന്ത്യ എക്സ്പ്രസ് വിമാനത്തിൽ നാട്ടില്‍ പോകുന്നതിനായി ബോഡിങ് പാസെടുത്ത് കാത്തിരിക്കുന്നതിനിടെയാണ് മരണം. മുമ്പ് പ്രവാസിയായിരുന്ന ഖാലിദ് ഒരാഴ്ച മുമ്പ് സന്ദര്‍ശന വിസയില്‍ എത്തിയതായിരുന്നു. മൃതദേഹം ഖത്തീഫ് സെന്‍ട്രല്‍ ആശുപത്രി മോര്‍ച്ചറിയിലേക്ക് മാറ്റി.
മൃതദേഹം ദമ്മാമിൽ മറവു ചെയ്യാൻ നടപടികൾ പുരോഗമിക്കുന്നുണ്ട്. നിയമനടപടികൾക്കായി സാമൂഹികപ്രവർത്തകരായ നാസ് വക്കം, നൂർ മുഹമ്മദ് കതിരൂർ എന്നിവരും ദമ്മാം കെ.എം.സി.സിയും രംഗത്തുണ്ട്.ഭാര്യ: അസ്മ. മക്കൾ: മുസമ്മിൽ (ദമ്മാം), റസ്മിൽ ജബ്ബാർ, റസ്മില. മരുമകൻ: നൗഷാദ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.