കോവിഡ്​ പേടിയകലുന്നു: ദമ്മാമിലെ കളിക്കളങ്ങളിൽ വീണ്ടും ആരവമുയരുന്നു

ദമ്മാം: പ്രവാസികൾ ഏറിയപങ്കിനും പ്രിയങ്കരമായ കാൽപന്തുകളിയുടെ ആരവങ്ങൾ ദമ്മാമിലെ ​ൈമതാനങ്ങളിൽ വീണ്ടും ഉയരുന്നു. എട്ടുമാസത്തിലധികം നീണ്ട കാത്തിരിപ്പിന്​​ ശേഷമാണ്​ വീണ്ടും കളിക്കളം സജീവമാകുന്നത്​്​. ഏതെങ്കിലും പ്രത്യേക സമയമോ കാലമോ ഇല്ലാതെ എക്കാലത്തും ഒരുപോലെ ആവേശം നിറക്കുന്നവരാണ്​ ദമ്മാമിലെ കാൽപന്തുകളിക്കാർ.

ദമ്മാമിൽ ഫുട്​ബാൾ അസോസിയേഷന്​ കീഴിൽ 23 ക്ലബുകൾ ​പ്രവർത്തിക്കുന്നു​. കളിക്കാരും സംഘാടകരും സ്​പോൺസർമാരും അഭ്യുദയകാംക്ഷികളുമൊക്കെയായി 200ലധികം ആളുകളാണ്​ ഒാരോ ക്ലബിലുമുള്ളത്​. ചില ക്ലബുകളിൽ കളിക്കാർ മാത്രം 70ലധികമുണ്ട്​. പ്രവാസത്തി​െൻറ സംഘർഷങ്ങളെയും പ്രയാസങ്ങളെയും മറക്കാനുള്ളതാണ്​ ഇൗ സംഘങ്ങൾക്ക്​ കാൽപന്തുകളി. നാട്ടിൽനിന്ന്​ കടൽ കടക്കു​േമ്പാൾ ഒപ്പം കൊണ്ടുവന്ന കളിയിലെ വീറും വാ​ശിയും പതിറ്റാണ്ടുകൾ നീളുന്ന പ്രവാസത്തിലും ​ൈകവിടാതെ സൂക്ഷിക്കുകയാണ്​ ഇക്കൂട്ടർ. പലപ്പോഴും വൈകീട്ട്​ ഏഴ്​ മുതൽ തുടങ്ങുന്ന പരിശീലനം രാത്രി വൈകുവോളം നീളും​.

ചില ടൂർണമെൻറുകൾക്ക്​ കളമൊരുക്കുന്നതിനിടയിലാണ്​ കോവിഡ്​ പ്രതീക്ഷകൾ അട്ടിമറിച്ചത്​. കളിക്കളങ്ങളിലെത്താതെ പിടിച്ചുനിന്നവർ കഴിഞ്ഞ ഒരാഴ്​ചയായി വീണ്ടും​ എത്തിത്തുടങ്ങി. രണ്ട്​ പ്രധാന ടൂർണമെൻറുകൾക്കും തുടക്കമായി. കോവിഡ്​ നിയമങ്ങൾ പാലിച്ചാണ്​ കളിയിടങ്ങളിൽ എത്തുന്നതെന്ന്​ ഇവർ സാക്ഷ്യ​െപ്പടുത്തുന്നു.

കളിക്കളം സജീവമായതോടെ ജീവവായു തിരിച്ചുകിട്ടയതുപോലെയാ​െണന്ന്​ ഡിഫ പ്രസിഡൻറ്​ മുജീബ്​ കളത്തിൽ പറഞ്ഞു. ഒന്നര പതിറ്റാണ്ടിന്​ മുമ്പാണ്​ ദമ്മാം ഫുട്​ബാൾ അസോസിയേഷൻ എന്ന സംഘടനയു​െട കീഴിൽ കളിക്കാരെ ഏകോപിപ്പിച്ചത്​. കാൽപന്തുകളിക്കാർക്ക്​ സഹായകമായ നിരവധി പ്രവർത്തനം നടത്താൻ ഇവർക്ക്​ കഴിഞ്ഞു. ജിദ്ദയിൽ കളിക്കാൻ പോകുന്നതിനിടെ വാഹനാപകടത്തിൽ മരിച്ച ദമ്മാമിലെ മൂന്ന്​ കളിക്കാർക്കു​ വേണ്ടി 45 ദിവസംകൊണ്ട്​ സംഘടന സ്വരൂപിച്ച്​ നൽകിയത്​ 37​ ലക്ഷം രൂപയാണ്​. കൂടാതെ ഇവരുടെ നഷ്​ടപരിഹാര തുക കിട്ടുന്നതുവരെ കേസി​െൻറ പിറകേ പാഞ്ഞതും ഇൗ ഫുട്​ബാൾ സുഹൃത്തുക്കൾത​െന്നയാണ്​.

വീറും വാശിയും പ്രകടമാകുന്ന ഇൗ ഗോദ നിരവധി കുടുംബങ്ങൾക്ക്​ അത്താണിയാവുന്നുമുണ്ട്​. മികച്ച കളിക്കാരെ വിസയും ജോലിയും നൽകി സംരക്ഷിക്കാൻ ക്ലബുകൾ മത്സരിക്കാറുണ്ട്. സന്തോഷ്​ ട്രോഫി, ക്ലബ്​​ മത്സരങ്ങളിലെ താരങ്ങൾ, യൂനിവേഴ്​സിറ്റി താരങ്ങൾ വരെ ദമ്മാമിലെ ഫുട്​ബാൾ കൂട്ടത്തിലുണ്ട്​. ജിദ്ദയിലെ ഫുട്​ബാൾ കൂട്ടായ്​മക്ക്​ 35 വർഷത്തിലേറെ പഴക്കമുണ്ട്​. റിയാദിലും സമാനമായ കൂട്ടായ്​മയുണ്ട്​. ഇവ മൂന്നും സംഗമിക്കുന്ന സിപ്​കോയും നിലവിലുണ്ട്​. ദമ്മാമിൽ വീണ്ടും കളിക്കളങ്ങൾ സജീവമാകു​േമ്പാൾ കോവിഡ്​ ഭീതിയൊഴിഞ്ഞ ദിനങ്ങൾ തിരിച്ചുവരുന്നതി​െൻറ ആഹ്ലാദത്തിലാണ്​ പ്രവാസികൾ.