ജുബൈൽ(സൗദി): കോവിഡ് ബാധിച്ച് ആലപ്പുഴ സ്വദേശി ജുബൈലിൽ മരിച്ചു. ഓച്ചിറ കൃഷ്ണപുരം തട്ടക്കാട്ടു തെക്കേതിൽ ബാബു തമ്പി (48) ആണ് മരിച്ചത്. ജുബൈല് മുവാസാത്ത് ആശുപത്രിയില് ബുധനാഴ്ച രാവിലെയാണ് മരണം. രണ്ടാഴ്ച മുമ്പാണ് ഇദ്ദേഹം കോവിഡ് ലക്ഷണങ്ങളോടെ ചികിത്സ തേടിയത്.
പരിശോധനാ ഫലം പോസിറ്റീവ് ആയതിനെ തുടര്ന്ന് നില ഗുരുതരമാവുകയും തീവ്രപരിചരണ വിഭാഗത്തിൽ വെൻറിലേറ്ററിൽ പ്രവേശിപ്പിക്കുകയും ചെയ്തിരുന്നു. 10 വര്ഷമായി ജുബൈലിലുള്ള ബാബു തമ്പി ഇന്ത്യൻ സ്കൂൾ കുട്ടികളെ കൊണ്ടുപോകുന്ന വാഹനത്തിൽ ഡ്രൈവറായി ജോലി ചെയ്തു വരികയായിരുന്നു.
ഇദ്ദേഹത്തിെൻറ കൂടെയുള്ള ഏഴു പേർ കൊവിഡ് ടെസ്റ്റിന് വിധേയമായിട്ടുണ്ട്. ഇവരുടെ പരിശോധന ഫലം പുറത്ത് വന്നിട്ടില്ല. നടപടികൾ പൂർത്തീകരിക്കുന്നതിന് സാമൂഹിക പ്രവർത്തകരായ സലിം ആലപ്പുഴ, ബൈജു അഞ്ചൽ എന്നിവർ രംഗത്തുണ്ട്. ഭാര്യ: സുനിത. മക്കൾ: വൈശാഖ്, അഖിൽ, ശ്രീരാഗ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.