അൽഅഹ്സ(സൗദി): 33 വർഷത്തോളമായി അൽഅഹ്സയിൽ ജോലി ചെയ്യുന്ന തമിഴ്നാട് നീലഗിരി ജില്ലയിലെ ഗൂഡല്ലൂർ സ്വദേശി ബാവ എന്നറിയപെടുന്ന മുഹമ്മദ് നിര്യാതനായി. അൽഅഹ്സ ആശുപത്രിയിൽ വ്യാഴാഴ്ച രാവിലെയായിരുന്നു അന്ത്യം. കോവിഡ് ബാധിച്ച് ഒരാഴ്ചയായി ഇദ്ദേഹം ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിലായിരുന്നു.
മലപ്പുറം ജില്ലയിലെ എടക്കര സ്വദേശിയായ മുഹമ്മദ് 20 വർഷത്തോളമായി മേലെ ഗൂഡല്ലൂരിൽ ഒ.വി.എച്ച് റോഡിലെ വല്ലപ്പുഴ വീട്ടിലാണ് താമസം. ഇദ്ദേഹത്തിന് 10 സഹോദരങ്ങളുണ്ട്. ഇളയ സഹോദരൻ നിസാമുദ്ദീൻ അൽഅഹ്സയിൽ ജോലി ചെയ്യുന്നു. പിതാവ്: ഹംസ. ഉമ്മ: ഫാത്വിമ. ഭാര്യ: നബീസ. മകൾ: ഫത്വിമത്തു നദ. മരണാന്തര നടപടിക്രമങ്ങൾ പൂർത്തീകരിക്കാനുള്ള പ്രവർത്തനങ്ങൾ അൽഅഹ്സ കെ.എം.സി.സി ജനറൽ സെക്രട്ടറി അഷ്റഫ് ഗസൽ, അലി മാസ്റ്റർ എന്നിവരുടെ നേതൃത്വത്തിൽ പുരോഗമിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.