1-ശ്രീമദ് അസംനഗാനന്ദഗിരി സ്വാമികൾ, 2-തൗഫീഖ് മമ്പാട്
ദോഹ: ദോഹ അന്താരാഷ്ട്ര മതാന്തര സംവാദ കേന്ദ്രവുമായി (ഡി.ഐ.സി.ഐ.ഡി) സഹകരിച്ച് യൂത്ത് ഫോറം ഖത്തർ സംഘടിപ്പിക്കുന്ന പന്ത്രണ്ടാമത് ദോഹ റമദാൻ മീറ്റ് വെള്ളിയാഴ്ച ഖത്തർ സ്പോർട്സ് ക്ലബിൽ നടക്കും.
സമൂഹത്തിൽ വിദ്വേഷവും വെറുപ്പും പടർന്നുകൊണ്ടിരിക്കുന്ന കാലത്ത്, പരസ്പര സ്നേഹത്തിന്റെയും സൗഹാർദത്തിന്റെയും ഐക്യത്തിന്റെയും സന്ദേശം പ്രവാസി സമൂഹത്തിൽ പ്രചരിപ്പിക്കുകയെന്ന ലക്ഷ്യം മുൻനിർത്തി സംഘടിപ്പിക്കുന്ന ഇന്ത്യൻ പ്രവാസികളുടെ ഖത്തറിലെ ഏറ്റവും വലിയ സംഗമത്തിനാണ് ഖത്തർ സ്പോർട്സ് ക്ലബ് വേദിയാകുന്നത്.
ഡി.ഐ.സി.ഐ.ഡി മേധാവി ഡോ. മുഹമ്മദ് അൽ ഗാമിദി ഉദ്ഘാടനംചെയ്യുന്ന സംഗമത്തിൽ, ശിവഗിരി മഠത്തിലെ ഗുരു പ്രചാരണ സഭ സെക്രട്ടറി ശ്രീമത് അസംനഗാനന്ദഗിരി സ്വാമികൾ, സോളിഡാരിറ്റി യൂത്ത് മൂവ്മെന്റ് സംസ്ഥാന പ്രസിഡന്റ് തൗഫീഖ് മമ്പാട്, സെന്റർ ഫോർ ഇന്ത്യൻ കമ്യൂണിറ്റി പ്രസിഡന്റ് ഖാസിം ടി.കെ എന്നിവർ മുഖ്യാതിഥികളായിരിക്കും.
യൂത്ത് ഫോറം ഖത്തർ പ്രസിഡന്റ് ബിൻഷാദ് പുനത്തിൽ സംഗമത്തിന് അധ്യക്ഷത വഹിക്കും.ഇഫ്താർ സംഗമത്തോടെ സമാപിക്കുന്ന പരിപാടിയിൽ ഖത്തറിന്റെ വിവിധ ഭാഗങ്ങളിൽനിന്നായി രണ്ടായിരത്തോളം മലയാളി യുവാക്കൾ പങ്കെടുക്കുമെന്ന് സംഘാടകർ അറിയിച്ചു. ദോഹ റമദാൻ മീറ്റിനോടനുബന്ധിച്ച് റമദാൻ ക്വസ്റ്റ് മെഗാ ലൈവ് ക്വിസ് വൈകുന്നേരം 3.45ന് ആരംഭിക്കും. തത്സമയ ക്വിസ് മത്സരമായിരിക്കുമെന്നും സംഘാടകർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.