വയലാർ നിറഞ്ഞു, വാക്കും വരിയും നോക്കുമായി

ദോഹ: വ​യ​ലാ​റി​​​​െൻറ ദീ​പ്ത​സ്മ​ര​ണ​ക​ളുമായി വ്യത്യസ്​തമായ സായാഹ്​നം. വാക്കും വരികളും നോക്കുമായി വയലാർ വേദിയിലെത്തിയപ്പോൾ കാണികൾ സംഗീതസായാഹ്​നത്തിൽ മതിമറന്നു. കു​വാ​ഖ് (ക​ണ്ണൂ​ർ യു​നൈ​റ്റ​ഡ് വെ​ൽ​ഫെ​യ​ർ അ​സോ​സി​യേ​ഷ​ൻ ഓ​ഫ് ഖ​ത്ത​ർ) നടത്തിയ ‘വ​യ​ലാ​ർ ഋ​തുഭേ​ദ​ങ്ങ​ളു​ടെ രാജശിൽപി’ പ​രി​പാ​ടിയാണ്​ വേ​റി​ട്ട ദൃ​ശ്യശ്ര​വ്യാ​നു​ഭ​വ​മാ​യത്​. വ​യ​ലാ​ർ ര​ച​ന​ക​ളെ അ​ടി​സ്ഥാ​ന​മാ​ക്കി​യു​ള്ള നൃ​ത്ത​ങ്ങ​ളും കാ​വ്യാ​വി​ഷ്ക്കാ​ര​ങ്ങ​ളും ഗാ​നാ​ലാ​പ​ന​ങ്ങ​ളും ഒക്കെ വേദിയിൽ നിറഞ്ഞു. വയലാറി​​​െൻറ മകൻ വ​യ​ലാ​ർ ശ​ര​ത്ച​ന്ദ്ര​വ​ർ​മ​യായിരുന്നു മു​ഖ്യാ​തി​ഥി​. അദ്ദേഹവുമായി ബി​ജു പി ​മം​ഗ​ലം നടത്തിയ സ്നേ​ഹ സ​ല്ലാ​പം അ​റി​യ​പ്പെ​ടാ​ത്ത വ​യ​ലാ​റി​​​​െൻറ ജീ​വി​ത ഏ​ടു​ക​ളി​ലേ​ക്ക് വെ​ളി​ച്ചം വീ​ശി. ര​സ​ച്ച​ര​ട് മു​റി​യാ​തെ കാ​ണി​ക​ളു​ടെ ക​ണ്ണും മനവും നി​റ​ഞ്ഞ നാ​ല് മ​ണി​ക്കൂ​റി​ലേ​റെ നീ​ണ്ട പരിപാടി സംവിധാനിച്ചത്​ ര​തീ​ഷ് മാ​ത്രാ​ട​നും ബി​ജു പി ​മം​ഗ​ല​വും ആണ്.
.ല​ത്തീ​ഫ് മാ​ഹി​യു​ടെ നേ​തൃ​ത്വ​ത്തി​ൽ ഒ​രു​ക്കി​യ സം​ഗീ​ത​വിരുന്നിൽ വ​യ​ലാ​റി​​​​െൻറ അ​നു​പ​മ സു​ന്ദ​ര​ഗാ​ന​ങ്ങ​ൾ റി​യാ​സ് ക​രി​യാ​ടും മ​ണി​ക​ണ്ഠ​ദാ​സും നി​ത സു​ബീ​റും ശി​വ​പ്രി​യ​യു​ം ജാ​ൻ​സി​യു​ം മൈ​ഥി​ലി​യും പാടിയപ്പോൾ സദസ്​ ഗൃ​ഹാ​തു​രസ്മൃ​തി​ക​ളി​ലേ​ക്ക്​ യാത്രയായി. ‘മാ​നി​ഷാ​ദ’യെ​ന്ന വ​യ​ലാ​ർ ക​വി​ത​യു​ടെ ദൃ​ശ്യാ​വി​ഷ്കാ​രം കൈയടി നേടി. ‘വി​ല്ല് കെ​ട്ടി​യ ക​ടു​ക്ക​നി​ട്ടൊ​രു വ​ലി​യ​മ്മാ​വ​ൻ’ എ​ന്ന ഗാ​ന​ം ബ്ലാ​ക്ക് ആ​ൻറ്​ വൈ​റ്റ് കാ​ല​ഘ​ട്ട​ത്തെ പ​ക​ർ​ത്തി​. മ​നീ​ഷ് സാ​രം​ഗി, ദേ​വി​ക വി​നോ​ദ്, ജെ​സി എ​സ് നാ​യ​ർ, ശ്രീ​ക​ല ജി​ന​ൻ എ​ന്നി​വരുടെ പ്ര​ക​ട​ന​ം മികച്ചതായി. ക​വി​താ​മ​ത്സ​ര​ത്തി​ൽ ഒ​ന്നാം സ്ഥാ​നം നേടിയ അ​നി​ത ശ്രീ​നാ​ഥിന്​ ചടങ്ങിൽ ശ​ര​ത്ച​ന്ദ്ര​വ​ർ​മ പു​ര​സ്കാ​ര​ം നൽകി. സ്മ​ര​ണാ​ഞ്ജ​ലി​യി​ൽ സൈനുൽ ആബിദീൻ, വി​നോ​ദ് വ​ള്ളി​ക്കോ​ൽ, ഡോ. ഹ​സ​ൻ കു​ഞ്ഞി, സ​ന്തോ​ഷ് പാ​ലി, ബാ​ബു​രാ​ജ്, മ​ണി​ക​ണ്ഠ​ൻ, ഇ.എം സു​ധീ​ർ, ആ​ബി​ദ് അ​ലി, താ​ബി​ത് മു​ഹ​മ്മ​ദ് അ​ലി, ശ​ശി​ധ​ര​ൻ എ​ന്നി​വ​ർ പ​ങ്കെ​ടു​ത്തു. സ്​റ്റേജ്​ നി​യ​ന്ത്ര​ണം ദി​നേ​ശ​ൻ പാ​ലേ​രി​, ഷ​ൺ​ജി​ത്ത് മു​ണ്ട​മൊ​ട്ട​, അ​മി​ത്ത് രാ​മ​കൃ​ഷ്ണ​ൻ, ശ​ര​ത്ത്​, ഗോ​പാ​ല​കൃ​ഷ്ണ​ൻ എന്നിവർ നി​ർ​വഹി​ച്ചു.