തളിക്കുളം സൗഹൃദ കൂട്ടായ്മ ഗ്രാമോത്സവം സുവനീർ ടി.എൻ. പ്രതാപൻ എം.പി പ്രകാശനം ചെയ്യുന്നു
ദോഹ: തൃശൂർ ജില്ലയിലെ തളിക്കുളം നിവാസികളുടെ കൂട്ടായ്മയായ ഖത്തർ തളിക്കുളം സൗഹൃദ കൂട്ടായ്മ 'ഗ്രാമോത്സവം 2022' സംഘടിപ്പിച്ചു. തൃശൂർ എം.പി. ടി.എൻ. പ്രതാപൻ ചടങ്ങിൽ മുഖ്യാതിഥിയായി പങ്കെടുത്തു. എംബസി ഫസ്റ്റ് സെക്രട്ടറി സചിൻ ശങ്ക്പാൽ, ഐ.സി.ബി.ഫ് പ്രസിഡന്റ് വിനോദ് നായർ, ഐ.സി.സി.വൈസ് പ്രസിഡന്റ് സുബ്രമണ്യ ഹെബ്ബഗേലു, ഐ.സി.സി മുൻ പ്രസിഡന്റ് മണികണ്ഠൻ എന്നിവർ പങ്കെടുത്തു. 'തളിക്കുളം ഗ്രാമോത്സവം' സുവനീർ ടി.എൻ. പ്രതാപൻ എം.പി പ്രകാശനം ചെയ്തു. ഐ.സി.സി അശോക ഹാളിൽ നടന്ന ചടങ്ങിൽ കൂട്ടായ്മ അംഗങ്ങളും മറ്റും വിവിധ കലാപരിപാടികൾ അവതരിപ്പിച്ചു. എ.എസ്.എം ബഷീർ അധ്യക്ഷത വഹിച്ചു. എം.സി. താജുദ്ദീൻ സ്വാഗതം പറഞ്ഞു.
ജന്മനാടായ തളിക്കുളത്തെ കുറിച്ചും ബാല്യകാലവും ഓർമിച്ചായിരുന്നു മുഖ്യാതിഥിയായി എം.പി ടി.എൻ. പ്രതാപന്റെ വാക്കുകൾ. സ്നേഹത്തിന്റെയും സാഹോദര്യത്തിന്റെയും വിശേഷങ്ങൾ പങ്ക് വെച്ചു. ജീവിതത്തിലും പൊതു പ്രവർത്തന രംഗത്തും പ്രതിസന്ധികളെ നേരിടാൻ പ്രചോദനമായത് തളിക്കുളത്തെ ജനങ്ങളുടെ സഹകരണമാണെന്ന് അദ്ദേഹം പറഞ്ഞു. ജനറൽ സെക്രട്ടറി സുനിൽ ലാൽ സംഘടന റിപ്പോർട്ട് അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.