ദോഹ: ഖത്തർ ഒളിംപിക് കമ്മിറ്റി (ക്യു.ഒ.സി) പ്രസിഡൻറ് ശൈഖ് ജൂആൻ ബിൻ ഹമദ് ആൽഥാനി, ഖത്തർ ഫൗണ്ടേഷൻ വൈസ് ചെയർപേഴ്സനും സി.ഇ.ഒയുമായ ശൈഖ ഹിന്ദ് ബിൻത് ഹമദ് ആൽഥാനി, ക്യു.ഒ.സി സെക്രട്ടറി ജനറൽ ജാസിം റാഷിദ് അൽ ബൂഐനൈൻ എന്നിവരെ അന്താരാഷ്ട്ര ഒളിംപിക് കമ്മിറ്റി (ഐ.ഒ.സി) കമീഷനുകളിലേക്ക് തെരഞ്ഞെടുത്തു. ഐ.ഒ.സിയുടെ ഒളിംപിസം 365 കമീഷൻ, ഒളിംപിക് എജുക്കേഷൻ കമീഷൻ, ഒളിംപിക് േപ്രാഗ്രാം കമീഷൻ എന്നിവയിലേക്കാണ് തെരഞ്ഞെടുക്കപ്പെട്ടത്.
2015 മുതൽ ഖത്തർ ഒളിംപിക് കമ്മിറ്റിയെ നയിക്കുന്ന ശൈഖ് ജൂആൻ ബിൻ ഹമദ് ആൽഥാനി, 2024 ഫിന ലോക ചാമ്പ്യൻഷിപ് സംഘാടക സമിതിയുടെയും 2024 ഫിന ലോക മാസ്റ്റേഴ്സ് ചാമ്പ്യൻഷിപ് സംഘാടക സമിതിയുടെയും അധ്യക്ഷനായിരിക്കും.
2015ലെ ഹാൻഡ്ബാൾ ലോക ചാമ്പ്യൻഷിപ്, 2019 ൽ നടന്ന ലോക അത്ലറ്റിക്സ് ചാമ്പ്യൻഷിപ്, അനോക് ലോക ബീച്ച് ഗെയിംസ് തുടങ്ങിയ അന്തർദേശീയ ചാമ്പ്യൻഷിപ്പുകളുടെയും മേൽനോട്ടം ശൈഖ് ജൂആൻ ആൽഥാനിക്കായിരുന്നു.
പുതുതായി രൂപവത്കരിച്ച ഒളിംപിസം 365 കമീഷനിലേക്ക് തിരഞ്ഞെടുക്കപ്പട്ടതിൽ ഏറെ സന്തോഷമുണ്ടെന്ന് ശൈഖ് ജൂആൻ ബിൻ ഹമദ് ആൽഥാനി പ്രതികരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.