അ​ഴു​കി​യ ത​ക്കാ​ളി; പ​രി​ശോ​ധ​ന​യി​ൽ ക​മ്പ​നി കു​ടു​ങ്ങി

ദോ​ഹ: ഡെ​ലി​വ​റി ക​മ്പ​നി​യി​ൽ​നി​ന്നും അ​ഴു​കി​യ ത​ക്കാ​ളി ല​ഭി​ച്ച​തി​നെ തു​ട​ർ​ന്ന് ട്വി​റ്റ​റി​ൽ പ​രാ​തി പോ​സ്​​റ്റ് ചെ​യ്ത​ത് ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് ക​മ്പ​നി​ക്കെ​തി​രെ ന​ഗ​ര​സ​ഭ ന​ട​പ​ടി സ്വീ​ക​രി​ച്ചു.

സ​മൂ​ഹ മാ​ധ്യ​മ​ത്തി​ലെ പ​രാ​തി​യെ തു​ട​ർ​ന്ന് ദോ​ഹ മു​നി​സി​പ്പാ​ലി​റ്റി ആ​രോ​ഗ്യ​വി​ഭാ​ഗം ഇ​ൻ​ഡ​സ്​​ട്രി​യ​ൽ ഏ​രി​യ​യി​ലെ ക​മ്പ​നി സ്​​റ്റോ​ർ റെ​യ്ഡ് ന​ട​ത്തു​ക​യും അ​ഴു​കി​യ ത​ക്കാ​ളി​ക​ൾ പി​ടി​കൂ​ടു​ക​യും ചെ​യ്തു.

സ​മൂ​ഹ മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച വാ​ർ​ത്ത ശ​രി​വെ​ച്ച ആ​രോ​ഗ്യ വി​ഭാ​ഗം പ​രി​ശോ​ധ​ക​ർ, ഭ​ക്ഷ്യ​വ​സ്​​തു​ക്ക​ൾ നി​യ​മാ​നു​സൃ​ത​മ​ല്ലാ​ത്ത രീ​തി​യി​ൽ സം​ഭ​രി​ച്ച​ു​വെ​ച്ച​താ​യും മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യാ​ണ് സം​ഭ​ര​ണ​വും കൈ​മാ​റ്റ​മെ​ന്നും ക​ണ്ടെ​ത്തു​ക​യും ചെ​യ്തു.

ഫു​ഡ് ക​ൺേ​ട്രാ​ൾ റെ​ഗു​ലേ​ഷ​നു​മാ​യി ബ​ന്ധ​പ്പെ​ട്ട 1990ലെ ​എ​ട്ടാം ന​മ്പ​ർ നി​യ​മ​പ്ര​കാ​രം ക​മ്പ​നി​ക്കെ​തി​രെ ദോ​ഹ മു​നി​സി​പ്പാ​ലി​റ്റി അ​ധി​കൃ​ത​ർ നി​യ​മ​ന​ട​പ​ടി സ്വീ​ക​രി​ക്കു​ക​യും പി​ടി​കൂ​ടി​യ​വ ഭ​ക്ഷ്യ​യോ​ഗ്യ​മ​ല്ലാ​ത്ത​തി​നെ തു​ട​ർ​ന്ന് ന​ശി​പ്പി​ക്കു​ക​യും ചെ​യ്തു. ഉ​പ​ഭോ​ക്താ​ക്ക​ൾ​ക്ക് ഭ​ക്ഷ്യ​വി​ഭ​വ​ങ്ങ​ൾ ഡെ​ലി​വ​റി ചെ​യ്യു​ന്ന​തി​ന് മു​മ്പാ​യി കാ​ലാ​വ​ധി​യും ഗു​ണ​മേ​ന്മ​യും കൃ​ത്യ​മാ​യി ഉ​റ​പ്പു​വ​രു​ത്ത​ണ​മെ​ന്നും മ​ന്ത്രാ​ല​യം ക​മ്പ​നി​ക്ക് നി​ർ​ദേ​ശം ന​ൽ​കി.