ദോഹ: വിശുദ്ധ റമദാെൻറ മുന്നൊരുക്കമായി അബ്ദുല്ല ബിൻ സൈദ് ആൽ മഹമൂദ് ഇസ്ലാമിക് കൾച്ചറൽ സെൻററിന് (ഫനാർ) കീഴിൽ ഖത്തറിലെ വിവിധ മേഖലകളിൽ മലയാളികൾക്കായി റമദാൻ ഉത്ബോധന പ്രഭാഷണങ്ങൾ സംഘടിപ്പിച്ചു. വിവിധ ഭാഗങ്ങളിൽ നടന്ന ‘മർഹബൻ റമദാൻ‘ പരിപാടിയിൽ സ്ത്രീകളുൾെപ്പടെ നൂറുക്കണക്കിന് ആളുകൾ പങ്കെടുത്തു. റമദാൻ വ്രതത്തിലൂടെ വിശ്വാസികൾ ആത്മ സംസ്കരണം നേടിയെടുക്കണമെന്ന് പ്രഭാഷകർ ആവശ്യെപ്പട്ടു. ഐഡിയൽ ഇന്ത്യൻ സ്കൂൾ ഓഡിറ്റോറിയ ത്തിൽ നടന്ന മഅ്മൂറ എരിയ പരിപാടിയിൽ ഡോ: എ.എ ഹലീം, അസൈനാർ ഇ.എം എന്നിവർ സംസാരിച്ചു.
അഹമ്മദ് ഷാഫി അധ്യക്ഷത വഹിച്ചു. വക്റ ഹമ്സത്തുബിനു അബ്ദുൽ മുത്തലിബ് മസ്ജിദിൽ നടന്ന മർഹബൻ റമദാൻ പരിപാടിയിൽ സുനീർ എടക്കര സംസാരിച്ചു. എ.ടി. ആദം അധ്യക്ഷത വഹിച്ചു. ഹിലാൽ ഫ്രൻറ്സ് കൾച്ചറൽ സെൻററിന് സമീപമുളള പളളിയിൽ നടന്ന പരിപാടിയിൽ അതീഖുറഹ്മാൻ സംസാരിച്ചു. ഐ.എം ബാബു അധ്യക്ഷത വഹിച്ചു. മദീന ഖലീഫ മർക്കസുൽ അവയിൽ മുഹമ്മദ് സാക്കിർ നദ്വിയുടെ അധ്യക്ഷതയിൽ നടന്ന പരിപാടിയിൽ ഹബീബുറഹ്മാൻ കിഴിശ്ശേരി സംസാരിച്ചു. ബിൻ മഹമൂദ് ഈദ്ഗാഹ് മസ്ജിദിൽ നടന്ന പരിപാടിയിൽ അതീഖുറഹ്മാനും ഇൻഡസ്ട്രിയൽ ഏരിയയിൽ ഷറഫുദ്ദീൻ നദ്വിയും സംസാരിച്ചു.
പരിപാടിയിൽ യഥാക്രമം എം.ടി യൂസുഫ്, ഹാരിസ് കെ. എന്നിവർ അധ്യക്ഷത വഹി ച്ചു. റയ്യാൻ ജാമിയത്തു ശൈഖ് അബ്ദുല്ല ബിൻ തുർക്കിയിൽ നടന്ന പരിപാടിയിൽ അതീഖുറഹ്മാൻ മുഖ്യപ്രഭാഷണം നടത്തി. മുഹമ്മദലി അധ്യക്ഷത വഹിച്ചു. വനിതകൾക്ക് മാത്രമായി ഫനാർ ഓഡിറ്റേറിയത്തിൽ നടന്ന പരിപാടിയിൽ നസീമ ടീച്ചർ മുഖ്യപ്രഭാഷണം നടത്തി. വനിതകൾക്കും കുട്ടികൾക്കുമായി റമദാൻ ക്വിസ് മൽസരം നടത്തി. വിജയികൾക്ക് സമ്മാനങ്ങൾ വിതരണം ചെയ്തു. പരിപാടിയിൽ സറീന ബഷീർ സ്വാഗതവും ഷഫീന സിറാജ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.