ദോഹ: അക്ബർ ട്രാവൽസ് ഖത്തറും റേഡിയോ സുനോ 91.7 എഫ്എമ്മും ചേർന്നൊരുക്കിയ ‘അമ്മമാരോടൊപ്പം’ പരിപാടി ശ്രദ്ധേയമായി. വർഷങ്ങളായി ഖത്തറിൽ ജോലി ചെയ്യുന്ന തെരഞ്ഞെടുത്ത പ്രവാസികളുടെ അമ്മമാരെയാണ് ഖത്തർ സന്ദർശിക്കാൻ പരിപാടിയിലൂടെ അവസരമൊരുക്കിയത്. ഖത്തറിൽ വർഷങ്ങളായി ജോലി ചെയ്യുന്ന അജീഷിെൻറ അമ്മ രമ, പ്രിയേഷിെൻറ അമ്മ രോഹിണി, യഹിയയുടെ ഉമ്മ മറിയം, രാജു നായരുടെ അമ്മ നളിനി, തൗഫീഖിെൻറ ഉമ്മ താജുന്നിസ എന്നിവർക്കാണ് ഇതിലൂടെ ഖത്തർ സന്ദർശിക്കാൻ അവസരം ലഭിച്ചത്. പ്രവാസികളായ മക്കളെ കാണാനെത്തിയ അമ്മമാർക്ക് അഞ്ചുദിവസം ഖത്തറിൽകഴിയാൻ സാധിച്ചു. രാജ്യത്തെ പ്രധാനസ്ഥലങ്ങളും സന്ദർശിച്ചു. കൃഷിയിടം ഖത്തറൊരുക്കിയ ചായസൽക്കാരത്തിലും പെങ്കടുത്തു. ഷോപ്പിങ്ങിന് ലുലു ഹൈപ്പർമാർക്കറ്റും അവസരമൊരുക്കി.എംആർഎ റെസ്റ്റോറൻറ് ഭക്ഷണമൊരുക്കി. റേഡിയോ സുനോ മാനേജിങ് ഡയറക്ടർ കൃഷ്ണകുമാർ, അമീർ അലി, അക്ബർ ട്രാവൽസ് ഖത്തർ ജനറൽ മാനേജർ മുരളിനായർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.