ദോഹ: ഔദ്യോഗിക സന്ദർശനത്തിനായി റുവാണ്ടയിലെത്തിയ അമീർ ശൈഖ് തമ ീം ബിൻ ഹമദ് ആൽഥാനി റുവാണ്ടൻ പ്രസിഡൻറ് പോൾ കഗാമെയുമായി കൂടിക്ക ാഴ്ച നടത്തി.
തലസ്ഥാനമായ കിഗാലിയിലെ പ്രസിഡൻഷ്യൽ പാലസിൽ നട ന്ന കൂടിക്കാഴ്ചയിൽ ഇരുരാജ്യങ്ങളും തമ്മിലുള്ള ഉഭയകക്ഷി ബന്ധവും വിവിധ മേഖലകളിലെ സഹകരണം ശക്തമാക്കുന്നത് സംബന്ധിച്ചും ചർച്ച ചെയ്തു. സാമ്പത്തികം, നിക്ഷേപം, വിദ്യാഭ്യാസം, സാംസ്കാരികം, കായികം, വിനോദസഞ്ചാരം തുടങ്ങിയ മേഖലകളിൽ സഹകരണം വിശാലമാക്കുന്നതുമായി ബന്ധപ്പെട്ടും മേഖലാ, അന്തർദേശീയ തലങ്ങളിലെ രാഷ്ട്രീയ സാഹചര്യങ്ങളും ഇരുരാഷ്ട്ര നേതാക്കളും കൂടിക്കാഴ്ചക്കിടെ ചർച്ച ചെയ്തു.
കൂടിക്കാഴ്ചക്ക് ശേഷം ഇരുരാജ്യങ്ങളും തമ്മിലുള്ള സഹകരണം ശക്തമാക്കുന്നതിെൻറ ഭാഗമായി വിവിധമേഖലകളിൽ ധാരണാപത്രം, കരാർ ഒപ്പുവെക്കൽ ചടങ്ങിലും അമീർ, റുവാണ്ടൻ പ്രസിഡൻറ് എന്നിവർ പങ്കെ ടുത്തു.
വ്യോമഗതാഗത മേഖലയിൽ സഹകരണമുറപ്പാക്കുന്നതിനുള്ള കരാറിലും കായികം, സാംസ്കാരി മേഖലകളിലെ കൂടുതൽ സഹകരണം ലക്ഷ്യം വെച്ചുകൊണ്ടുള്ള രണ്ട് ധാരണാപത്രങ്ങളിലും ഒപ്പുവെച്ചു. വിനോദസഞ്ചാരം, വ്യാപാരം മേഖലകളിലും സഹകരണമുറപ്പിക്കുന്നതിനുള്ള ധാരണാപത്രവും ഇതിൽ ഉണ്ട്. നേരത്തെ കിഗാലി രാജ്യാന്തര വിമാനത്താവളത്തിലിറങ്ങിയ അമീർ ശൈഖ് തമീം ബിൻ ഹമദ് ആൽഥാനിക്കും ഖത്തർ സംഘത്തിനും ഉൗഷ്മള വരവേൽപ്പാണ് ലഭിച്ചത്. പ്രസിഡൻറ് പോൾ കഗാമെ നേരിട്ടെത്തിയാണ് അമീറിനെ സ്വീകരിച്ചത്. ഔദ്യോഗിക സ്വീകരണ പരിപാടികൾക്ക് ശേഷം അമീറിനെ സ്വാഗതം ചെയ്തുകൊണ്ട് റു വാണ്ടൻ കലാകാരന്മാരുടെ പ്രാദേശിക നൃത്ത–കലാ പരിപാടികളും അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.