ദോഹ: ഹമദ് മെഡിക്കൽ കോർപറേഷന് കീഴിലെ പകർച്ചവ്യാധി പ്രതിരോധ കേന്ദ്രത്തിലെ (കമ്മ്യൂണിക്കബിൾ ഡിസീസ് സെൻറർ) ഡിജിറ്റൽ ലൈബ്രറിയിലേക്ക് ഖത്തർ റെഡ്ക്രസൻറ് സൊസൈറ്റി ഐപാഡുകൾ വിതരണം ചെയ്തു. പേഷ്യൻസ് സപ്പോർട്ട് ഫണ്ടിന് കീഴിലാണ് ഐപാഡുകൾ നൽകിയത്. കമ്മ്യൂണിക്കബിൾ ഡിസീസ് സെൻറർ സാമൂഹ്യ സേവന വിഭാഗം തലവൻ ഇബ്റാഹിം മർഹൂമിന് ക്യു ആർ സി എസ് ഐപാഡുകൾ കൈമാറി. 10 ഐപാഡുകളാണ് ഡിജിറ്റൽ ലൈബ്രറിയിലേക്ക് കൈമാറിയിരിക്കുന്നത്. നേരത്തെ ഏഴ് കമ്പ്യൂട്ടറും നൽകിയിരുന്നു. ഖത്തർ റെഡ്ക്രസൻറ് പ്രാദേശിക വികസന വിഭാഗം മേധാവി മുന ഫാദിൽ അൽ സുലൈതി ചടങ്ങിൽ പങ്കെടുത്തു. മാസത്തിൽ ശരാശരി 60 രോഗികൾക്ക് ഐപാഡുകൾ ഉപയോഗപ്പെടുത്താൻ കഴിയുമെന്ന് മുന ഫാദിൽ അൽ സുലൈതി പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.