ദോഹ: എജുക്കേഷൻ സിറ്റിക്ക് ചുറ്റുമുള്ള കലാസൃഷ്ടികളെ ജനങ്ങൾക്ക് പരിചയപ്പെടുത്തുന്ന ഗൈഡഡ് ടൂർ േപ്രാഗ്രമായ ആർട്ട് െട്രയിലിെൻറ മൂന്നാം പതിപ്പിന് ഖത്തർ ഫൗണ്ടേഷൻ തുടക്കം കുറിച്ചു. മേഖലയിലെ പ്രധാന കലാസൃഷ്ടികളും പ്രാദേശികമായി അറിയപ്പെടുന്നവയും പരിചയപ്പെടുന്നതിനും കൂടുതൽ വിവരങ്ങൾ മനസ്സിലാക്കുന്നതിനുമുള്ള സുവർണാവസരമാണ് ഖത്തർ ഫൗണ്ടേഷെൻറ കീഴിലുള്ള ആർട്ട് െട്രയിൽ.
ഖത്തർ ഫൗണ്ടേഷെൻറ സാമൂഹിക വികസന പരിപാടികളുടെ ഭാഗമായി എല്ലാ പ്രായത്തിലുള്ളവർക്കും ഇടപെടാനുള്ള അവസരം കൂടിയാണ് ആർട്ട് െട്രയിലിലൂടെ സൃഷ്ടിക്കപ്പെടുന്നത്. മൊറോക്കൻ കലാകാരനായ യൂനിസ് റഹ്മാെൻറ ‘ചെറിയ വാക്ക്, സങ്കീർണ്ണമായ ഘടന’ എന്ന തലക്കെട്ടിന് കീഴിലുള്ള കലാസൃഷ്ടികളാണ് ആദ്യ രണ്ട് ആർട്ട് െട്രയിലുകളിൽ സന്ദർശകർക്ക് പരിചയപ്പെടുത്തിയത്. ഖത്തർ ഫൗണ്ടേഷൻ അംഗമായ വിർജീനിയ കോമൺവെൽത്ത് യൂനിവേഴ്സിറ്റി സ്കൂൾ ഓഫ് ആർട്ട്സിലാണ് യൂനിസിെൻറ സൃഷ്ടികൾ സ്ഥാപിക്കപ്പെട്ടത്.
അതേസമയം, സിദ്റ മെഡിൻ കലാശേഖരം, ഖത്തർ നാഷണൽ ലൈബ്രറിയുടെ ഹെറിറ്റേജ് ലൈബ്രറി എക്സിബിഷൻ, ദോഹ ആസ്ഥാനമായി പ്രവർത്തിക്കുന്ന കലാകാരനായ ഉഥ്മാൻ കുഞ്ഞിയുടെ കലാസൃഷ്ടികൾ എന്നിവയാണ് പുതിയ ആർട്ട് െട്രയിലിൽ ഉൾപ്പെടുത്തിയിരിക്കുന്നത്. ഒക്ടോബർ ആറ്, 27 തിയ്യതികളിലാണ് ആർട്ട ്െട്രയിൽ നടക്കാനിരിക്കുന്നത്. നവംബർ മാസത്തിലും ആർട്ട് െട്രയിൽ നടക്കുമെന്ന് അധികൃതർ വ്യക്തമാക്കി. ആർട്ട് െട്രയിലിൽ പങ്കെടുക്കാനാഗ്രഹിക്കുന്നവർ qftrail@qf.org.qa എന്ന അഡ്രസിലേക്ക് മെയിൽ അയക്കണമെന്ന് ക്യൂ എഫ് കമ്മ്യൂണിറ്റി ഡെവലപ്മെൻറ് വിഭാഗം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.