ദോഹ: ക്ലബ് ഫുട്ബാൾ ലീഗുകളും ചാമ്പ്യൻഷിപ്പുകളും രാജ്യാന്തര സൗഹൃദ മത്സരങ്ങൾക്കായി പിരിഞ്ഞപ്പോൾ ഖത്തറിലും കളിയാരവം. ലോക റാങ്കിംഗിൽ 58ാം സ്ഥാനത്തുള്ള, ഒരു കാലത്ത് ലാറ്റിനമേരിക്കയിലെ കറുത്ത കുതിരകളായിരുന്ന ഇക്വഡോറുമായി ഏറ്റുമുട്ടാൻ ഫെലിക്സ് സാഞ്ചസിെൻറ ഖത്തർ സംഘം ഇന്നിറങ്ങും. സദ്ദിലെ ജാസിം ബിൻ ഹമദ് സ്റ്റേഡിയത്തിൽ വൈകിട്ട് 6.30നാണ് മത്സരം. ലോക റാങ്കിംഗിൽ നിലവിൽ 94ാം സ്ഥാനത്താണ് ഖത്തറിെൻറ സ്ഥാനം.ഇക്വഡോറുമായുള്ള മത്സരശേഷം താഷ്കെൻറിലേക്ക് പറക്കുന്ന ഖത്തർ ടീം ഉസ്ബെക്കിസ്ഥാനുമായി ഈ മാസം 16ന് ഏറ്റുമുട്ടും. അടുത്ത വർഷം ജനുവരിയിൽ നടക്കുന്ന ഏഷ്യ കപ്പിനുള്ള സന്നാഹമായാണ് ഖത്തറിെൻറ സൗഹൃദ മത്സരങ്ങളെ കണക്കാക്കുന്നത്. ചാമ്പ്യൻഷിപ്പിന് മുന്നോടിയായി കൂടുതൽ അന്താരാഷ്ട്ര മത്സരങ്ങൾ ഖത്തറിന് വേണമെന്ന് കോച്ച് സാഞ്ചസ് നേരത്തെ വ്യക്തമാക്കിയിരുന്നു. ഇക്വഡോറുമായും ഉസ്ബെക്കിസ്ഥാനുമായുമുള്ള മത്സരങ്ങൾക്ക് ഖത്തർ ടീം സജ്ജമായിരിക്കുകയാണെന്ന് സാഞ്ചസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.