ദോഹ: ഖത്തർ ദേശീയദിനത്തോടനുബന്ധിച്ച് 'ക്യു ക്വിസ്' എന്ന പേരിൽ വിദ്യാർഥികൾക്കായി ഗൾഫ്മാധ്യമം നടത്തുന്ന ഓൺലൈൻ ക്വിസ് മൽസരത്തിൽ രജിസ്റ്റർ െചയ്യാനുള്ള അവസാനദിവസം ഡിസംബർ ഒന്നുവരെ മാത്രം. https://www.madhyamam.com/qquiz എന്ന ലിങ്കിലൂടെയാണ് രജിസ്റ്റർ ചെയ്യേണ്ടത്.
55373946 എന്ന നമ്പറിലും mmqatar@gulfmadhyamam.net എന്ന വിലാസത്തിൽ മെയിൽ അയച്ചും സംശയനിവാരണം നടത്താം. വിജയികളെ ഗംഭീരസമ്മാനങ്ങളാണ് കാത്തിരിക്കുന്നത്. ഏഴ് മുതൽ ഒമ്പത് വരെ ക്ലാസുകളിലുള്ളവർക്കായി സ്ട്രീം ഒന്നിലും പത്ത് മുതൽ 12 വരെ ക്ലാസുകളിലുള്ളവർക്കായി സ്ട്രീം രണ്ടിലുമാണ് മൽസരം. പ്രശസ്ത ഗ്രാൻറ്മാസ്റ്റർ ജി.എസ് പ്രദീപ് ആയിരിക്കും ഗ്രാൻറ്ഫിനാലേക്ക് നേതൃത്വം നൽകുക.
ഇംഗ്ലീഷിലാണ് മൽസരങ്ങൾ. രജിസ്റ്റർ ചെയ്യുന്ന വിദ്യാർഥികൾക്കായി ഡിസംബർ നാലിന് രാവിലെ ഒമ്പതുമുതൽ പ്രാഥമിക ഘട്ട മൽസരം നടത്തും. ആകെ രജിസ്റ്റർ ചെയ്യുന്നവരിൽ നിന്ന് പ്രത്യേക ആപ്പിലൂടെ പ്രാഥമികമൽസരം നടത്തും. തുടർന്ന് ഓൺലൈനിലൂടെ ആദ്യഘട്ട തൽസമയമൽസരവും നടത്തും. ഇതിൽ നിന്ന് തെരഞ്ഞെടുക്കെപ്പടുന്നവരാണ് ഗ്രാൻറ്ഫിനാലെയിൽ മൽസരിക്കുക. രണ്ട് സ്ട്രീമിലും ഇതേ രീതിയിലാണ് മൽസരം. ഡിസംബർ 11ന് നടക്കുന്ന ഗ്രാൻറ്ഫിനാലെക്കാണ് ജി.എസ് പ്രദീപ് നേതൃത്വം നൽകുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.