മഞ്ജുവിന് പാഴ്വസ്തുവല്ല പ്ലാസ്റ്റിക്

ദോ​ഹ: ദോ​ഹ ന​ഗ​ര​ത്തി​ന്റെ ഹൃ​ദ​യ​മാ​യ മ​താ​ർ​ക​ദീ​മി​ൽ​നി​ന്ന് ഏ​താ​നും ദൂ​രം ഓ​ടി​യാ​ലെ​ത്തു​ന്ന അ​ൽ ഫി​നി​ഖ സ്ട്രീ​റ്റി​ലെ മ​ഞ്ജു സു​രേ​ഷി​ന്റെ വീ​ട് പ്ലാ​സ്റ്റി​ക്കി​നെ​തി​രാ​യ പോ​രാ​ട്ട​ത്തി​ന്റെ പ്ര​തീ​ക​മാ​ണ്. ഈ ​വീ​ട്ടി​ലെ​ത്തു​ന്ന പാ​ൽ​പാ​ത്ര​ങ്ങ​ളും, എ​ണ്ണ​ക്കു​പ്പി​ക​ളും, ​ശീ​ത​ള​പാ​നീ​യ ബോ​ട്ടി​ലു​ക​ളു​മൊ​ന്നും എ​വി​​ടേ​ക്കും വ​ലി​ച്ചെ​റി​യ​പ്പെ​ടു​ന്നി​ല്ല. വീ​ടി​ന്റെ പൂ​മു​ഖ​ത്തു​നി​ന്നും തു​ട​ങ്ങു​ന്നു​ണ്ട് വീ​ട്ടു​കാ​രി​യു​ടെ പെ​യി​ന്റി​ങ്ങി​ലെ​യും ക​ര​കൗ​ശ​ല​ത്തി​ലെ​യും കൃ​ഷി​യി​ലെ​യു​മെ​ല്ലാം മി​ക​വി​ലേ​ക്കു​ള്ള കാ​ഴ്ച​ക​ൾ. വീ​ടി​നു​പി​റ​കി​ലെ അ​ടു​ക്ക​ള​ത്തോ​ട്ട​ത്തി​ൽ വ​ള​ർ​ന്നു​പ​ന്ത​ലി​ച്ച പൂ​ച്ചെ​ടി​ക​ളും പ​ച്ച​ക്ക​റി​ക​ളു​മെ​ല്ലാം വേ​രൂ​ന്നി ത​ളി​ർ​ക്കു​ന്ന​ത് പാ​ഴ് വ​സ്തു​ക്ക​ളി​ൽ​നി​ന്ന് സൃ​ഷ്ടി​ച്ച പാ​ത്ര​ങ്ങ​ളി​ൽ​നി​ന്നാ​ണ്. മി​ക​ച്ച ക​ലാ​കാ​രി കൂ​ടി​യാ​ണ് കോ​യ​മ്പ​ത്തൂ​ർ പോ​ട​ന്നൂ​ർ സ്വ​ദേ​ശി​നി​യാ​യ ഈ ​വീ​ട്ട​മ്മ. ബ​യോ​കെ​മി​സ്ട്രി​യി​ൽ ബി​രു​ദ​വും ഫു​ഡ് സ​യ​ൻ​സ് ആ​ൻ​ഡ് ന്യൂ​ട്രീ​ഷ​നി​ൽ എം.​ഫി​ലും ഉ​ൾ​പ്പെ​ടെ ഉ​ന്ന​ത പ​ഠ​നം പൂ​ർ​ത്തി​യാ​ക്കി​യ ശേ​ഷം 11 വ​ർ​ഷം മു​മ്പാ​യി​രു​ന്നു ഇ​വ​ർ ഖ​ത്ത​റി​ലെ​ത്തി​യ​ത്. കാ​ർ​ഷി​ക കു​ടും​ബ​ത്തി​ന്റെ പാ​ര​മ്പ​ര്യ​ത്തി​ൽ​നി​ന്ന് ഖ​ത്ത​റി​ലെ മ​രു​ഭൂ മ​ണ്ണി​ലേ​ക്കാ​ണ് പ​റ​ന്നി​റ​ങ്ങി​യ​തെ​ങ്കി​ലും കൃ​ഷി​യും മ​ണ്ണും കൈ​വി​ടാ​നാ​യി​ല്ല.

അ​ങ്ങ​നെ തു​ട​ങ്ങി​യ ശ്ര​മ​ത്തി​ൽ​നി​ന്നാ​ണ് വീ​ട്ടി​ൽ അ​ടു​ക്ക​ള തോ​ട്ട​വും, ഒ​പ്പം പ്ലാ​സ്റ്റി​ക്കി​ൽ നി​ന്നും പു​ന​രു​പ​യോ​ഗ വ​സ്തു​ക്ക​ൾ നി​ർ​മി​ക്കാ​നും ആ​രം​ഭി​ച്ച​ത്. കൈ​യി​ൽ കി​ട്ടു​ന്ന​തൊ​ന്നും എ​ളു​പ്പം ഒ​ഴി​വാ​ക്കു​ന്ന ശീ​ല​മി​ല്ല.

പ്ലാ​സ്റ്റി​ക് പാ​ത്ര​ങ്ങ​ളും കു​പ്പി​ക​ളും മു​ത​ൽ തെ​ർ​മോ​കോ​ളും ചി​ര​ട്ട​യും പ​​ഴ​യ പ​ത്ര​ങ്ങ​ളും ഉ​ൾ​പ്പെ​ടെ കൈ​യി​ലെ​ത്തു​ന്ന​തി​ലെ​ല്ലാം എ​ന്തെ​ങ്കി​ലു​മൊ​രു ക​ലാ​വി​രു​ത് തെ​ളി​യും. ബോ​ട്ടി​ലു​ക​ൾ വൃ​ത്തി​യാ​ക്കി​യ ശേ​ഷം, മ​നോ​ഹ​ര​മാ​യ പെ​യി​ന്റി​ങ്ങു​ക​ളി​ലൂ​ടെ പൂ​ക്ക​ളും ചി​ത്ര​ങ്ങ​ളും ക​ള​ങ്ങ​ളും വ​ര​ച്ചെ​ടു​ക്കു​ക​യാ​ണ് ആ​ദ്യ​ജോ​ലി. വി​വി​ധ വ​ർ​ണ​ങ്ങ​ളി​ൽ മ​നോ​ഹ​ര​മാ​വു​ന്ന ബോ​ട്ടി​ലു​ക​ൾ പി​ന്നെ സ്വ​സ്ഥ​മാ​യ കേ​ന്ദ്രം ക​ണ്ടെ​ത്തും. ചി​ല​പ്പോ​ഴ​ത് വീ​ടി​നു പി​റ​കി​ലെ അ​ടു​ള്ള​ത്തോ​ട്ട​ത്തി​ൽ ചെ​ടി​ച്ച​ട്ടി​ക​ളോ, പ്ലാ​ന്റ് പോ​ട്ടു​​ക​ളോ ആ​യി മാ​റും. ഖ​ത്ത​റി​ൽ പ്ര​വാ​സി വീ​ടു​ക​ളി​ൽ സു​ല​ഭ​മാ​യെ​ത്തു​ന്ന പാ​ൽ​ക്കു​പ്പി​ക​ളും, യോ​ഗ്ഹ​ർ​ട്ട് പാ​ത്ര​ങ്ങ​ളും ത​ന്നെ ഇ​ങ്ങ​നെ ഏ​റ്റ​വും കൂ​ടു​ത​ൽ അ​ല​ങ്കാ​ര വ​സ്തു​ക്ക​ളാ​യി മാ​റി​യെ​ന്ന് ഈ ​വീ​ട് സാ​ക്ഷ്യ​പ്പെ​ടു​ത്തു​ന്നു.

ഒ​മ്പ​തു വ​ർ​ഷ​മാ​യി ത​ന്റെ സ്വ​ന്തം പ​രീ​ക്ഷ​ണ​ങ്ങ​ളി​ൽ​നി​ന്ന് പ്ര​വാ​സ മ​ണ്ണി​ൽ സു​സ്ഥി​ര​മാ​യൊ​രു ഗാ​ർ​ഹി​ക ചു​റ്റു​പാ​ട് സൃ​ഷ്ടി​ച്ചി​രി​ക്കു​ക​യാ​ണ് ഈ ​വീ​ട്ട​മ്മ. പ്ലാ​സ്റ്റി​ക്കി​നെ​തി​രാ​യ സ​ന്ദേ​ശ​വും, പു​ന​രു​പ​യോ​ഗ ശീ​ല​ങ്ങ​ളും ത​ല​മു​റ​ക​ളി​ലേ​ക്കും പ​ക​രു​ന്നു. കാ​ർ​ഷി​ക മേ​ഖ​ല​യി​ലെ​യും പ്ര​കൃ​തി സം​ര​ക്ഷ​ണ​ത്തി​ലെ​യും മി​ക​വി​ന് ഇ​തി​ന​കം നി​ര​വ​ധി അം​ഗീ​കാ​ര​ങ്ങ​ളും മ​ഞ്ജു​വി​നെ തേ​ടി​യെ​ത്തി. 2023ൽ ​ഗ​ൾ​ഫ് മാ​ധ്യ​മം ‘ഷി ​ക്യൂ’ എ​ക്സ​ല​ൻ​സ് പു​ര​സ്കാ​ര​ത്തി​ന്റെ പ​രി​സ്ഥി​തി വി​ഭാ​ഗ​ത്തി​ൽ ഫൈ​ന​ലി​സ്റ്റാ​യി​രു​ന്നു ഇ​വ​ർ. മാ​ലി​ന്യ​ത്തി​ൽ​നി​ന്നു​ള്ള ക​ലാ​സൃ​ഷ്ടി​ക്കാ​യി ഐ.​സി.​സി സം​ഘ​ടി​പ്പി​ച്ച മ​ത്സ​ര​ത്തി​ൽ ഒ​ന്നാം സ്ഥാ​ന​വും, സ്കൈ ​ത​മി​ഴ് ചാ​ന​ലി​ന്റെ കാ​ർ​ഷി​ക അ​വാ​ർ​ഡും തേ​ടി​യെ​ത്തി. ഖ​ത്ത​റി​ലെ സ​ജീ​വ​മാ​യ ന​മ്മു​ടെ അ​ടു​ക്ക​ള​ത്തോ​ട്ടം, ഖ​ത്ത​ർ ത​മി​ഴ​ർ സം​ഘം എ​ന്നീ കൂ​ട്ടാ​യ്മ​ക​ളു​ടെ ഭാ​ഗ​വു​മാ​ണ്. ഇ​ൻ​വെ​സ്റ്റ്മെ​ന്റ് ബാ​ങ്കി​ങ് മേ​ഖ​ല​യി​ൽ ജോ​ലി ചെ​യ്യു​ന്ന ഭ​ർ​ത്താ​വ് സു​രേ​ഷ് എ​ല്ലാ പി​ന്തു​ണ​യു​മാ​യി ഒ​പ്പ​മു​ണ്ട്. ബി​ർ​ള സ്കൂ​ൾ വി​ദ്യാ​ർ​ഥി​ക​ളാ​യ സ​ഞ്ജ​യ്, ഋ​ത്വി​ക് എ​ന്നി​വ​രാ​ണ് മ​ക്ക​ൾ.