ദോഹ: ഖത്തറിൽ കോവിഡ് രോഗം ബാധിച്ച് ചികിൽസയിലായിരുന്ന ഒരാൾ കൂടി മരിച്ചു. 54 വയസ്സുകാരനായ പ്രവാസിയാണ് മരിച്ചത്. തീവ്രപരിചരണവിഭാഗത്തിൽ ചികിൽസയിലായിരുന്ന ഇദ്ദേഹത്തിന് മറ്റ് ദീർഘകാല അസുഖങ്ങളുമുണ്ടായിരുന്നുവെന്ന് പൊതുജനാരോഗ്യമന്ത്രാലയം അറിയിച്ചു.
ഇതോടെ രാജ്യത്ത് ആകെ മരിച്ചവരുടെ എണ്ണം 14 ആയി. നേരത്തെ ഒരു സ്വദേശിയും 12 പ്രവാസികളും മരിച്ചിരുന്നു. ഞായറാഴ്ച 1189 പേർക്കുകൂടി പുതുതായി കോവിഡ് രോഗം സ്ഥിരീകരിച്ചിട്ടുണ്ട്. 254 പേർ രോഗമുക്തി നേടി. ആകെ രോഗം ഭേദമായവർ 2753 ആണ്.
ആകെ 1,27,769 പേർക്ക് പരിശോധന നടത്തിയപ്പോൾ 22,520 പേർക്കാണ് വൈറസ് ബാധ സ്ഥിരീകരിച്ചത്. രോഗം ഭേദമായവരും മരിച്ചവരും ഉൾപ്പെടെയാണിത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.