വി​ദ്യാ​ഭ്യാ​സ മ​ന്ത്രാ​ല​യ​ത്തി​ന്റെ ഖ​ത്ഫ പ​രി​പാ​ടി സ​മാ​പി​ച്ചു

ദോ​ഹ: വി​ദ്യാ​ഭ്യാ​സ- ഉ​ന്ന​ത വി​ദ്യാ​ഭ്യാ​സ മ​ന്ത്രാ​ല​യ​വും അ​ജ് യാ​ൽ അ​ൽ​ത​ർ​ബ​വി സെ​ന്റ​റു​മാ​യി സ​ഹ​ക​രി​ച്ച് ന​ട​ത്തി​യ ‘ഖ​ത്‌​ഫ’ പ്രോ​ഗ്രാം സ​മാ​പി​ച്ചു. വി​ദ്യാ​ഭ്യാ​സ​ത്തെ​യും വി​നോ​ദ​ത്തെ​യും സം​യോ​ജി​പ്പി​ച്ച് അ​റി​വ് ന​ൽ​കു​ന്ന​തി​നൊ​പ്പം മ​ത, ധാ​ർ​മി​ക -ദേ​ശീ​യ​മൂ​ല്യ​ങ്ങ​ൾ വ​ള​ർ​ത്താ​നും ഉ​ദ്ദേ​ശി​ച്ചു​ള്ള വി​ദ്യാ​ഭ്യാ​സ പ​ദ്ധ​തി​യാ​ണ് ‘ഖ​ത്‌​ഫ’. ക​താ​റ ക​ലാ​സാം​സ്‌​കാ​രി​ക ഗ്രാ​മ​ത്തി​ൽ ന​ട​ന്ന സ​മാ​പ​ന ച​ട​ങ്ങി​ൽ വി​ദ്യാ​ഭ്യാ​സ മ​ന്ത്രി ലു​ൽ​വ ബി​ൻ​ത് റാ​ഷി​ദ് ബി​ൻ മു​ഹ​മ്മ​ദ് അ​ൽ ഖാ​തി​ർ സ​ന്നി​ഹി​ത​യാ​യി. കൂ​ടാ​തെ ഉ​ദ്യോ​ഗ​സ്ഥ​രും അ​ധ്യാ​പ​ക​രും ര​ക്ഷി​താ​ക്ക​ളും പ​ങ്കെ​ടു​ത്തു.

2023 ആ​ഗ​സ്റ്റി​ൽ ആ​രം​ഭി​ച്ച പ്രോ​ഗ്രാ​മി​ൽ ര​ണ്ട് അ​ക്കാ​ദ​മി​ക് വ​ർ​ഷ​ങ്ങ​ളി​ലാ​യി വി​ദ്യാ​ഭ്യാ​സം, സം​സ്കാ​രം, കാ​യി​കം, സ്കി​ൽ തു​ട​ങ്ങി​യ മേ​ഖ​ല​ക​ളി​ൽ ല​ക്ഷ്യ​മി​ട്ട് നി​ര​വ​ധി പ​രി​പാ​ടി​ക​ൾ ന​ട​ന്നു. ഒ​രു പ്ര​ഫ​ഷ​ന​ൽ അ​ധ്യാ​പ​ക ടീ​മി​ന്റെ മേ​ൽ​നോ​ട്ട​ത്തി​ൽ വി​ദ്യാ​ർ​ഥി​ക​ൾ​ക്ക് അ​വ​രു​ടെ പ​രി​സ്ഥി​തി​യി​ൽ​നി​ന്നു​കൊ​ണ്ട് ക​ഴി​വു​ക​ൾ ക​ണ്ടെ​ത്താ​നും വി​ക​സി​പ്പി​ക്കാ​നും അ​വ​സ​രം ല​ഭി​ച്ചു.ഖ​ത്‌​ഫ സാ​മൂ​ഹി​ക പ്ര​വ​ർ​ത്ത​ന​ങ്ങ​ളു​ട ഭാ​ഗ​മാ​യി പ​രി​സ്ഥി​തി മ​ന്ത്രാ​ല​യ​ങ്ങ​ളു​മാ​യി ചേ​ർ​ന്ന് കു​ട്ടി​ക​ളി​ൽ പ​രി​സ്ഥി​തി​ബോ​ധം വ​ർ​ധി​പ്പി​ക്കു​ന്ന​തി​ന് നി​ര​വ​ധി പ്ര​വ​ർ​ത്ത​ന​ങ്ങ​ൾ സം​ഘ​ടി​പ്പി​ച്ചി​രു​ന്നു. തു​ര്‍ക്കി​യി​ൽ ഭൂ​ക​മ്പം ബാ​ധി​ച്ച​വ​ർ​ക്ക് ഖ​ത്ത​ർ ചാ​രി​റ്റി​യു​മാ​യി സ​ഹ​ക​രി​ച്ച് വി​വി​ധ സ​ഹാ​യ​ങ്ങ​ളും ഖ​ത്ത​ർ റെ​ഡ് ക്ര​സ​ന്റ് സൊ​സൈ​റ്റി​യു​മാ​യി സ​ഹ​ക​രി​ച്ച് സ്കൂ​ൾ സാ​മ​ഗ്രി​ക​ളു​ടെ വി​ത​ര​ണ​വും ന​ട​ത്തി.

1,867 കു​ട്ടി​ക​ൾ പ​ങ്കാ​ളി​ക​ളാ​യ പ​രി​പാ​ടി​യി​ൽ 27 ലോ​ക്ക​ൽ യാ​ത്ര​ക​ളും ര​ണ്ട് അ​ന്താ​രാ​ഷ്ട്ര യാ​ത്ര​ക​ളും സം​ഘ​ടി​പ്പി​ച്ചി​രു​ന്നു. കു​ട്ടി​ക​ളു​ടെ മ​ന​സ്സ് തു​റ​ക്കാ​നും വ്യ​ക്തി​ത്വം വ​ള​ർ​ത്താ​നും പ​രി​പാ​ടി സ​ഹാ​യ​ക​മാ​യി. സ​മാ​പ​ന ച​ട​ങ്ങി​ൽ പ​ദ്ധ​തി​യു​ടെ സ്‌​പോ​ൺ​സ​ർ​മാ​രെ​യും പ​ങ്കെ​ടു​ത്ത കു​ട്ടി​ക​ളെ​യും മ​ന്ത്രി ആ​ദ​രി​ച്ചു. ഖ​ത്‌​ഫ എ​ന്ന​ത് അ​റി​വും വി​നോ​ദ​വും മൂ​ല്യ​ങ്ങ​ളും ല​ക്ഷ്യ​ബോ​ധ​വും ഒ​രു​മി​ച്ച് ചേ​ർ​ന്ന സ​മ​ഗ്ര വി​ദ്യാ​ഭ്യാ​സ അ​നു​ഭ​വ​മാ​യി​രു​ന്നെ​ന്ന് മ​ന്ത്രി പ​റ​ഞ്ഞു.