ദോഹ: സിനിമ നിർമ്മാണരംഗത്തും അതിന്റെ പ്രദർശനരംഗത്തും ജനകീയമായ സാധ്യതകള്‍ തേടുകയും കേരളത്തിലെ ജനകീയ സിനിമ പ്രവർത്തനത്തിനു അടിത്തറ പാകുകയും ചെയ്ത ജോണ് അബ്രഹാമിന്റെ അനുസ്മരണാർത്ഥം അദ്ദേഹത്തിന്റെ ജീവിതം, പ്രവർത്തനം, രാഷ്ട്രീയം എന്നിവ കേന്ദ്രീകരിച്ച്, പ്രശസ്ത ഡോക്യൂമെൻററി സംവിധായകനായിരുന്ന ശരത്ചന്ദ്രന്‍ സംവിധാനം ചെയ്ത ‘യു വേഴ്സ് ട്രൂലി ജോണ് ’ നാളെ വൈകിട്ട് 8 മണിക്ക് ഐ സി സി മുംബൈ ഹാളില്‍ പ്രദർശിപ്പിക്കുന്നു. മെയ് 31 നു ജോണിന്റെ 30 ആം ചരമവാർഷികമാണ്. അദ്ദേഹത്തിന്റെ സാമൂഹ്യ പ്രതിബദ്ധതയും സിനിമയോടുള്ള കാഴ്ചപ്പാടും പ്രചരിപ്പിക്കാനുള്ള ശ്രമത്തിന്റെ ഭാഗമായാണ് ഡോക്യുമെന്ററി പ്രദർശിപ്പിക്കുന്നത്.പ്രസ്തുത ഡോക്യുമെൻററി കാണുന്നതിനായി എല്ലാ സുഹൃത്തുക്കളെയും ക്ഷണിക്കുന്നതായി ജോണ് അബ്രഹാം സാംസ്കാരികവേദി ചെയർമാൻ അൻവർ ബാബുവും കൺവീനർ ജോപ്പച്ചൻ തെക്കേക്കൂറ്റ് എന്നിവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.