ദോഹ: ഇവാഖ് (ഇന്ത്യൻ വോളിബാൾ അസോസിയേഷൻ ഇൻ ഖത്തർ) സംഘടിപ്പിക്കുന്ന വോളിബാൾ ടൂർണമെൻറിന് അൽ സദ്ദ് ഇൻഡോർ സ്റ്റേഡിയത്തിൽ ഉജ്ജ്വല തുടക്കം. പ്രയോജകരായ വി സെർവ് ഡയറക്ടർ ജെനി ആൻറണി മത്സരം ഉദ്ഘാടനം ചെയ്തു. അർജുന അവാർഡ് ജേതാവും മുൻ ഇന്ത്യൻ താരവുമായ സിറിൽ സി വെളളൂർ, അർജുന അവാർഡ് ജേതാവ് ടോം ജോസഫ് തുടങ്ങി പ്രമുഖർ മുഖ്യാഥിതികളായി. ഉദ്ഘാടന മത്സരത്തിൽ സംസ്കൃതി ദോഹ പാക്കിസ്ഥാൻ ടീമിനെ നേരിട്ടുള്ള 2 സെറ്റുകൾക്ക് തോൽപിച്ചു. ഇവാഖ് ശ്രീലങ്കൻ ടീമിനെയും പരാജയപ്പെടുത്തി. വിവിധ ടീമുകളിലായി ജേഴ്സി അണിഞ്ഞ ഇന്ത്യൻ താരങ്ങളുടെ മിന്നുന്ന പ്രകടനം ഗാലറിയെ ആവേശത്തിലാഴ്ത്തി. സെമി ഫൈനൽ മത്സരങ്ങൾ അൽ സദ്ദ് ഇൻഡോർ സ്റ്റേഡിയത്തിൽ ഇന്ന് വൈകുന്നേരം 6.30ന് ആരംഭിക്കും. ഫൈനൽ ഏപ്രിൽ 20ന് വെള്ളിയാഴ്ച വൈകുന്നേരം 6.30നാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.